તહેવાર / મકરસક્રાંતિએ રાશિ અનુસાર કરો દાન મળશે શુભદાયી ફળ, જાણો તમારી રાશિ

જ્યોતિષ અનુસાર, સૂર્ય મકર રાશિમાં પ્રવેશ કરે છે ત્યારે મકર સંક્રાંતિનો યોગ બને છે અને આ સિવાય પણ ઘણા બદલાવ આવે છે. મકર અને કર્ક રાશિ માટે આ વધારે લાભદાયી છે. આ વર્ષે સૂર્ય તારીખ 14 જાન્યુઆરીના રાત્રે મકર રાશિમાં પ્રવેશી રહ્યો છે કારણ કે સંક્રાંતિનું પુણ્ય સ્નાન સૂર્યોદય પર કરવામાં આવે છે. આ વખતે મકર સંક્રાતિ તારીખ 15 જાન્યુઆરીના દિવસે ઉજવવામાં આવશે. તેનો શુભ સમય તારીખ 15 જાન્યુઆરીના દિવસે સવારે 7.19 થી સાંજે 5.46 કલાક સુધીનો છે, તેનો મહાપુણ્ય કાળ સવારે 7.19 થી સવારે 9.03 સુધીનો છે. સંક્રાંતિનો સમય 1 કલાક 53 મિનિટનો છે.

રાશિ અનુસાર કરો આ ચીજવસ્તુઓનું દાન : 

મેષ  : મેષ રાશિના જાતકોએ ગુલાબી વસ્ત્ર, ગાયનું ઘી, શેરડી, ગોળ ,સુવર્ણ, મસૂર, કાળા તલ, સાબુદાણા, સુખડીનું દાન કરવું. પાણીમાં લાલ ફૂલ, કંકુ અને ચોખા પધરાવી સૂર્યને અર્ધ્ય આપવો.

વૃષભ  : વૃષભ રાશિના જાતકોએ ક્રીમ, સફેદ કે ચળકતું વસ્ત્ર, શેરડી, દહીં, બદામ, તાજા ફળ, ચાંદી, સફેદ તલ, વાલ, અખરોટ, ચંદન-સુખડનું દાન કરવું. પાણીમાં સફેદ ફૂલ, સાકાર અને ચોખા પધરાવી સૂર્યને અર્ધ્ય આપવો.

મિથુન : મિથુન રાશિના જાતકોએ લીલું વસ્ત્ર, મગ, ઘાસચારો, શાકભાજી,શેરડી,કાળા તલ, ફટકડી, તાંબાના વાસણ, મહેંદી, બદામનું દાન કરવું. પાણીમાં દુર્વા,ગંગાજળ અને મગ પધરાવી સૂર્યને અર્ધ્ય આપવો.

કર્ક  : કર્ક રાશિના જાતકોએ સફેદ કે ક્રીમ વસ્ત્ર, ચાંદી, ચાંદીના વાસણ, આમળા, કાજુ, તાજા ફળ, મોતી, મોતીના આભૂષણ, દૂધ, દહીં, ઘી સફેદ તલ, ચોખાનું દાન કરવું. પાણીમાં સફેદ ફૂલ,કંકુ અને ચોખા પધરાવી સૂર્યને અર્ધ્ય આપવો.

સિંહ : સિંહ રાશિના જાતકોએ તાજા ફળ, નારંગી વસ્ત્ર,સુવર્ણ, મકાઈ, મરચા, પિસ્તા, ઘઉં, સુખડી, ગોળ, શેરડી સફેદ તલ, સૂર્ય પ્રતિમાનું દાન કરવું.પાણીમાં સૂર્યમુખી ફૂલ,ગોળ અને ચોખા પધરાવી સૂર્યને અર્ધ્ય આપવો.

કન્યા : કન્યા રાશિના જાતકોએ લીલું વસ્ત્ર ,મગ, ઘાસચારો, શાકભાજી, શેરડી, કાળા તલ, ફટકડી, તાંબાના વાસણ, મહેંદી, બદામ,ચણોઠીનું દાન કરવું.પાણીમાં દહીં,મધ અને ચોખા પધરાવી સૂર્યને અર્ધ્ય આપવો.

તુલા : તુલા રાશિના જાતકોએ ક્રીમ, સફેદ કે ચળકતું વસ્ત્ર, શેરડી, દહીં, બદામ, ફળ, ચાંદી, સફેદ તલ, વાલ, અખરોટ, ચંદન-સુખડ,હીરાનું દાન કરવું.પાણીમાં દૂધ,મધ અને ચોખા પધરાવી સૂર્યને અર્ધ્ય આપવો.

વૃશ્ચિક : વૃશ્ચિક રાશિના જાતકો એ લાલ કે ગુલાબી વસ્ત્ર,ગાયનું ઘી, શેરડી, ગોળ, સુવર્ણ, મસૂર,કાળા તલ,સાબુદાણા ,સુખડીનું દાન કરવું.પાણીમાં લાલ ફૂલ, કંકુ, ગોળ અને ચોખા પધરાવી સૂર્યને અર્ધ્ય આપવો.

ધન : ધન રાશિના જાતકો એ પીળું વસ્ત્ર,સુવર્ણ, વિદ્યાર્થી ને નોટબૂક પુસ્તકો, પપૈયું, બદામ, શેરડી, ચણા, ચણાની વસ્તુઓ, તાજા ફળ, શ્રીફળ, દેવની પ્રતિમા, તુલસી માલાનું દાન કરવું.પાણીમાં પીળા ફૂલ,હળદર અને ચોખા પધરાવી સૂર્યને અર્ધ્ય આપવો.

મકર : મકર રાશિના જાતકોએ કાળું કે ડાર્ક કલરનું વસ્ત્ર, કાળા તલ, અડદ, સ્ટીલના વાસણ, કાળી દ્રાક્ષ, પગરખાં, ધાબળો, મહેંદી, તલનું તેલ, ફાનસનું દાન કરવું.પાણીમાં મધ અને ચોખા પધરાવી સૂર્યને અર્ધ્ય આપવો.

કુંભ : કુંભ રાશિના જાતકોએ કાળું કે ડાર્ક કલરનું વસ્ત્ર, કાળા તલ, અડદ, સ્ટીલના વાસણ, કાળી દ્રાક્ષ, પગરખાં, ધાબળો, મહેંદી, તલનું તેલ, પથારીનું દાન કરવું. પાણીમાં ઘી,સાકાર અને ચોખા પધરાવી સૂર્યને અર્ધ્ય આપવો.

મીન  : મીન રાશિના જાતકોએ પીળું વસ્ત્ર, સુવર્ણ, વિદ્યાર્થીને નોટબૂક પુસ્તકો, પપૈયું, બદામ, શેરડી,ચણા, ચણાની વસ્તુઓ, તાજા ફળ, શ્રીફળ, દેવની પ્રતિમા, ધાર્મિક પુસ્તકનું દાન કરવું.પાણીમાં પીળું ફૂલ,હળદર ,મધ અને ચોખા પધરાવી સૂર્યને અર્ધ્ય આપવો.