મજાનો વીડિયો / VIDEO : ગજબના લગ્ન ! કૂતરા-કૂતરીને પરણાવી દીધા, આખું ગામ બન્યું બારાતી, ક્યાં જશે 'દુલ્હન'

• યુપીના અલીગઢમાં થયા ગજબના લગ્ન 
• કૂતરા અને કૂતરીના લગ્ન થયા 
• નર શ્વાન ટોમીની જાન પહોંચી માદા દુલ્હન જૈલીના ઘેર
• માણસોની જેમ ફર્યાં સાત ફેરા
• આખું ગામ બન્યું જાનૈયા, મહિલાઓ ઢોલના તાલે નાચી 

યુપીના અલગઢમાં લોકોએ એક કૂતરા અને કૂતરીના લગ્ન કરાવ્યાં છે. આ અનોખો લગ્નની ભારે ચર્ચા થઈ રહી છે.  અલીગઢમાં કૂતરા અને કૂતરાના અનોખા લગ્નમાં સમગ્ર ગામવાસીઓ બારાતી બની ગયા હતા. બંનેના લગ્નમાં ફિલ્મી ગીતો પર લોકોએ જોરદાર ડાન્સ કર્યો હતો. આ લગ્નની ઉજવણીનો પડઘો હવે આખા દેશમાં સંભળાયો હતો.

 પરણેલા ડોગ કપલનું નામ ટોમી અને જૈલી

ટોમીની જાન લઈને પરિવાર દુલ્હન જૈલીના ઘેર પહોંચ્યો હતો ત્યાં જાનનું ધામધૂમથી સ્વાગત થયું હતું. જૈલીના પરિવારજનોએ પણ બારાતનું શાનદાર રીતે સ્વાગત કર્યું હતું અને પછી માણસોના લગ્નની જેમ ટોમી અને જૈલીના સાત ફેરા પણ ફેરવાયા હતા. આ શુભ પ્રસંગે જૈલીના પરિવારજનોએ ચોખ્ખા ઘીનું જમણ પણ પીરસ્યું હતું. લોકોએ પણ આ પ્રસંગને મન મૂકીને વધાવ્યો હતો. 

#WATCH | A male dog, Tommy and a female dog, Jaily were married off to each other in UP's Aligarh yesterday; attendees danced to the beats of dhol pic.twitter.com/9NXFkzrgpY

— ANI UP/Uttarakhand (@ANINewsUP) January 15, 2023

કોણ છે કૂતરો અને કૂતરી 
ટોમી પ્રભાવશાળી પરિવારનો કૂતરો છે. તે સુખરાવાળી ગામના વડા દિનેશ ચૌધરીનો પાલતુ કૂતરો છે, જ્યારે જેલી અત્રૌલીના ટીકરીમાં રહેતા ડો.રામપ્રકાશ સિંહનો કૂતરો છે. આ લગ્ન 14 જાન્યુઆરી એટલે કે મકરસંક્રાંતિના દિવસે થયા હતા. 

ટોમ અને જેલીના લગ્નનો વીડિયો જુઓ
ટોમ અને જેલીએ પૂરા ધાર્મિક રીતિ-રિવાજ મુજબ લગ્ન કર્યા. બંનેના લગ્નમાં અનોખી માળાનો પણ ઉપયોગ કરવામાં આવ્યો હતો.  આખું ગામ બારાતી થઈ ગયું અને કૂતરાના લગ્ન થઈ ગયા. જેલીના પરિવારના લોકોએ પણ ટોમીને તિલક લગાવ્યું હતું. ત્યાર બાદ ટોમીનું સરઘસ કાઢવામાં આવ્યું હતું. મહિલાઓ પણ આ પ્રસંગે મન મૂકીને ઢોલના તાલે નાચી ઉઠી હતી. 

ક્યાં રહેશે માદા શ્વાન
માદા શ્વાન હવે તેના પતિ ટોમીના ઘેર રહેશે. ટોમીના માલિકે હવે માદા શ્વાનની સંભાળ લેવી પડશે. તેને નિયમિત ખાવાનું આપવાથી માંડીને દરેક રીતે તેની સંભાળ લેવી પડશે. એમ સમજો કે દુલ્હન પરણિને સાસરીયે આવે છે તેવી રીતે માદા શ્વાનને પણ વિદાય અપાઈ હતી.