Car Tips / ઠંડીની સિઝનમાં કાર સ્ટાર્ટ કરવામાં થઇ રહી છે તકલીફ? તો શિયાળામાં ફૉલો કરજો આ સ્ટેપ્સ, નહીં પડે બંધ

• ઠંડીની સિઝનમાં પેટ્રોલ ડીઝલ કારને સ્ટાર્ટ કરવામાં આવે સમસ્યા
• આ કારણે કાર શરૂ થવામાં કરે છે ધાંધિયા
• કાર ખુલ્લામાં પાર્ક ન કરવી જોઈએ

તહેવારોની સિઝન પૂરબહારમાં ખીલી છે અને હવે થોડા જ દિવસોમાં ઠંડીની સિઝન આંગણે ટકોરો મારશે. ત્યારે ઠંડીની આ સિઝનમાં પેટ્રોલ ડીઝલ વાહનોને સ્ટાર્ટ કરવામાં ખૂબ જ સમસ્યા આવતી હોય છે. ડીઝલ વાહનોમાં ખાસ કરીને સવારે પ્રથમ  વખત શરૂઆત કરવામાં આવે છે ત્યારે સ્લેપ લાગવામાં ખૂબ મુશ્કેલી આવતી હોય છે. તો આવી સ્થિતિ વચ્ચે સમસ્યા અટકાવવા માટે શું કરવું જોઈએ અને તેમની પાછળના કારણો જાણીએ વિસ્તારથી.

• ઠંડીને કારણે એન્જિન ઓઈલ જાડું થઈ જતું હોય છે. પરિણામે એન્જિનના પિસ્ટનને સિલિન્ડરમાં ઉપર નીચે કરવામાં વધુ તાકાતની જરૂર પડતી હોય  છે ત્યારે આ સ્થિતિમાં સ્લેપ લાગવામાં સમસ્યા  આવે છે.
• વધુમાં ઠંડીને કારણે બેટરીની પણ પોતાની તાકાત ઘટતી હોય છે. પરિણામે સ્ટાર્ટર મોટરને જોઈએ તેટલો પ્રવાહ મળતો ન હોવાથી કાર સ્ટાર્ટ કરવામાં પણ મુશ્કેલી અનુભવાય છે.
• એક કારણ એવું પણ છે કે ઠંડીને કારણે ઇંધણનું દહન સારી રીતે ન થવાથી એન્જિન શરૂ થવામાં ધાંધીયા કરે છે..જોકે આ સમસ્યા પેટ્રોલ કાર કરતાં ડીઝલ કારમાં વધુ જન્મે છે.
• શિયાળામાં કાર સ્ટાર્ટ કરવામાં મુશ્કેલી ટાળવાના ઉપાયો
• આ સમસ્યા ન થાય તે માટે સમયાંતરે તમારી કારની બેટરી ચેક કરી લેવી જોઈએ. બેટરીનું ચાર્જિંગ લેવલ હંમેશા 12.6 વોલ્ટથી ઉપર હોવું જોઈએ. શિયાળાની શરૂઆત પહેલાં, બેટરીની જો જરૂરીયાત લાગે તો બદલવી જોઈએ.
• શિયાળામાં ખાસ કારને ખુલ્લામાં પાર્ક ન કરવી જોઈએ. કારણ કે ઠંડીના કારણે કારના એન્જિન અને બેટરીને વધુ અસર થાય છે. જેની શેડ ખૂબ આવકારદાયક માનવામાં આવે છે.
• જો કાર શરૂ થતી નથી, તો તમે બીજી કારની બેટરી અથવા કાર જંકશનનો ઉપયોગ કરી શકો છો. કાર સ્ટાર્ટ ન થાય તો થોડી વ્યવસ્થા કરો જેથી કારનું એન્જીન ગરમ થઈ જાય અને પછી કાર સ્ટાર્ટ કરવાનો પ્રયાસ કરો.