રાજકોટ / VIDEO: 35 હજાર ગાય ક્યાં ગુમ ગઈ? રાજકોટમાં ધીરેન્દ્ર શાસ્ત્રીને સવાલ કરતા પોસ્ટર લાગ્યા, જાણો કેમ કરાયો આવો સવાલ

• ધીરેન્દ્ર શાસ્ત્રીને સવાલ કરતા પોસ્ટર લાગ્યા
• રાજકોટના અલગ-અલગ વિસ્તારમાં લાગ્યા પોસ્ટર
• પોસ્ટરમાં 35 હજાર ગાય ક્યાં ગઈ તેવો સવાલ પૂછાયો

બાગેશ્વર ધામના ધીરેન્દ્ર શાસ્ત્રી હાલ ગુજરાતના પ્રવાસે છે. હાલનો માહોલ જોઈએ તો બાબા બાગેશ્વર દ્વારા સમગ્ર ગુજરાતમાં પ્રચારની કવાયત શરૂ કરાઇ હોય તેમ પહેલા દક્ષિણ ગુજરાતમાં સુરતમાં દિવ્ય દરબાર યોજાયો હતો. જે બાદમાં મધ્યગુજરાતમાં અમદાવાદ અને બાદમાં સૌરાષ્ટ્રમાં રાજકોટ પ્રવાસે છે. આ બધાની વચ્ચે રાજકોટમાં ધીરેન્દ્ર શાસ્ત્રીને સવાલ કરતા પોસ્ટર લાગ્યા છે. 

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

'35 હજાર ગાય ક્યાં ગઈ'
ભરવાડ સમાજના અગ્રણી રણજીત મુંધવાના નામે રાજકોટમાં બાબા બાગેશ્વરને સવાલ કરતા પોસ્ટર લાગ્યા છે. રાજકોટના અલગ-અલગ વિસ્તારમાં પોસ્ટર લાગ્યા છે જે પોસ્ટરમાં મનપાના ઢોર ડબ્બામાંથી ગાયો ગુમ થઈ હોવાનો ઉલ્લેખ કરાયો છે. 35 હજાર ગાય ક્યાં ગઈ તેવો સવાલ કરતા પોસ્ટર લાગ્યા છે. પોસ્ટરમાં અન્ય સવાલો પણ પૂછવામાં આવ્યા છે. 

રાજકોટમાં દિવ્ય દરબાર
રાજકોટ ખાતે પણ ધીરેન્દ્ર શાસ્ત્રીનો દિવ્ય દરબાર ભરાશે. રાજકોટમાં આજે 1 અને આવતીકાલે 2 જૂનના રોજ રેસકોર્સ મેદાન ખાતે દિવ્ય દરબારનું આયોજન કરવામાં આવ્યું છે. બાગેશ્વર ધામ સેવા સમિતિ, રાજકોટ તરફથી આ દિવ્ય દરબારનું આયોજન કરવામાં આવ્યું છે.

અમદાવાદમાં ગઈકાલે બાબા બાગેશ્વરનો દિવ્ય દરબાર યોજાયો
અમદાવાદમાં ગઈકાલે બાબા બાગેશ્વર તરીકે ઓળખાતા ધીરેન્દ્ર શાસ્ત્રીના દિવ્ય દરબારનું આયોજન કરાયું હતું. અમદાવાદના વટવા ખાતે આવેલા શ્રી રામ મેદાનમાં બાબાના દિવ્ય દરબારનું આયોજન કરવામાં આવ્યું હતું. શ્રી રામ મેદાનમાં ગઈકાલે સાંજે 5:00થી 7:00 વાગ્યા સુધી ધીરેન્દ્ર શાસ્ત્રીનો દિવ્ય ભરાયો હતો. મહત્વનું છે કે, અમદાવાદના ઓગણજ ખાતે ધીરેન્દ્ર શાસ્ત્રીનો 29 મેના રોજ દરબાર યોજવાનો હતો, જે વરસાદના કારણે સમગ્ર કાર્યક્રમ રદ કરવાની ફરજ પડી હતી.