તબેલાને તાળા / બોઇંગ 787 નાં તમામ પ્લેનની થશે તપાસ, અમદાવાદ દુર્ઘટના બાદ સફાળુ જાગ્યું તંત્ર

Ahmedabad Plane Crash : અમદાવાદ વિમાન દુર્ઘટના પછી, નાગરિક ઉડ્ડયન મહાનિર્દેશાલય (DGCA) એ એર ઇન્ડિયાના બોઇંગ 787-8/9 કાફલાની તપાસનો આદેશ આપ્યો છે. આમાં ઇંધણ પરિમાણ (પેરામિટર) પ્રણાલી, ટેકઓફ ધોરણો અને વિમાન સલામતીના અન્ય મહત્વપૂર્ણ પાસાઓનું મૂલ્યાંકન કરવાનો સમાવેશ થાય છે.

ડીજીસીએ દ્વારા આપવામાં આવ્યો આદેશ

અમદાવાદ વિમાન દુર્ઘટના પછી, DGCA (નાગરિક ઉડ્ડયન મહાનિર્દેશાલય) એ એક મોટો નિર્ણય લીધો છે. DGCA એ એર ઇન્ડિયાના બોઇંગ 787-8/9 કાફલાની તપાસનો આદેશ આપ્યો છે. નાગરિક ઉડ્ડયન મહાનિર્દેશાલયના આદેશ હેઠળ, ઇંધણ પરિમાણ પ્રણાલીની તપાસ કરવામાં આવશે. વિમાન સલામતીના દરેક ધોરણોની તપાસ કરવામાં આવશે. આ 15 જૂનથી અમલમાં આવશે. આમાં ટેકઓફ ધોરણોની પણ તપાસ કરવામાં આવશે.

અમદાવાદમાં બની હતી દુર્ઘટના

DGCA એ તેના આદેશમાં જણાવ્યું છે કે, એર ઇન્ડિયાની ફ્લાઇટ AL-171 (અમદાવાદ-ગેટવિક) 12 જૂનના રોજ અકસ્માતનો ભોગ બની હતી. ભવિષ્યમાં આવી કોઈ ઘટના ન બને તે માટે, DGCA એ એર ઇન્ડિયાને સંબંધિત પ્રાદેશિક DGCA કચેરીઓ સાથે સંકલનમાં GenX એન્જિનથી સજ્જ B787-8/9 વિમાન પર તાત્કાલિક વધારાની જાળવણી કરવાનો નિર્દેશ આપે છે.

15 જૂનથી દેશમાં ફ્લાઇટ્સના ટેકઓફ પહેલાં એક વખત તપાસ.

- ફ્યુઅલ પેરામીટર મોનિટરિંગ અને સંબંધિત સિસ્ટમ્સ ચેક.

- કેબિન એર કોમ્પ્રેસર અને સંબંધિત સિસ્ટમ્સ ચેક.

- ઇલેક્ટ્રોનિક એન્જિન કંટ્રોલ સિસ્ટમ ચેક.

- એન્જિન ફ્યુઅલ-ડ્રાઇવ એક્ટ્યુએટર-ઓપરેશન ટેસ્ટ અને ફ્યુઅલ સિસ્ટમ ચેક.

આ પણ વાંચો : Ahmedabad Plane Crashનું સાચું કારણ હવે ખબર પડશે, તપાસ એજન્સીઓને મળી મોટી સફળતા

હાઇડ્રોલિક સિસ્ટમ ચેક

- ટેક-ઓફ માપદંડોની સમીક્ષા.

- આગામી સૂચના સુધી ટ્રાન્ઝિટ ઇન્સ્પેક્શનમાં 'ફ્લાઇટ કંટ્રોલ ઇન્સ્પેક્શન' રજૂ કરવામાં આવશે.

- પાવર એશ્યોરન્સ ચેક બે અઠવાડિયામાં કરવામાં આવશે.

- બી787-8/9 વિમાન પર છેલ્લા 15 દિવસ દરમિયાન વારંવાર થઇ રહેલીની ખરાબીની સમીક્ષા તપાસ રિપોર્ટ સમીક્ષા માટે ડીજીસીએને રજુ કરવાની રહેશે.

વિમાન દુર્ઘટનામાં 241 લોકોનાં મોત

ગુરુવારે, અમદાવાદથી લંડન જઈ રહેલું એર ઇન્ડિયાનું બોઇંગ 787 ડ્રીમલાઇનર વિમાન ટેકઓફ થયાના થોડા સમય પછી મેડિકલ કોલેજ કેમ્પસમાં ક્રેશ થયું હતું. વિમાનમાં 230 મુસાફરો અને 12 ક્રૂ સભ્યો હતા. એર ઇન્ડિયાએ પુષ્ટિ કરી છે કે આ અકસ્માતમાં 241 લોકોના મોત થયા છે. એક મુસાફર ચમત્કારિક રીતે બચી ગયો છે. તે હોસ્પિટલમાં સારવાર હેઠળ છે.

તપાસની જવાબદારી AAIB ને સોંપવામાં આવી છે

અકસ્માત પછી, રાષ્ટ્રીય તપાસ એજન્સી (NIA) અને અન્ય કેન્દ્રીય એજન્સીઓના અધિકારીઓએ શુક્રવારે અકસ્માત સ્થળની મુલાકાત લીધી હતી. અધિકારીઓએ હજુ સુધી તપાસ અંગે કોઈ માહિતી શેર કરી નથી. તપાસની જવાબદારી નાગરિક ઉડ્ડયન મંત્રાલય હેઠળના એરક્રાફ્ટ અકસ્માત તપાસ બ્યુરો (AAIB) ને સોંપવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ