ગણેશોત્સવ 2023 / દેવા શ્રી ગણેશા: ગણેશ ચતુર્થી પર 'ગણપતિ બાપ્પા મોરયા' ના જ કેમ નાદ થાય? રોચક દંતકથા જાણી થઈ જશો પાવન

• ગણેશ ચતુર્થી પર 'ગણપતિ બાપ્પા મોરયા'નો નાદ ગુંજ્યો 
• જાણો કેમ ગણપતિ બાપ્પા મોરયા જ બોલવામાં આવે છે ? 
• ગણપતિ બાપ્પા મોરયા શબ્દ પાછળ ગણપતિનું મયુરેશ્વર સ્વરૂપ હોવાનું અનુમાન 

"વક્રતુંડ મહાકાય સૂર્યકોટી સમપ્રભ: નિર્વિઘ્નં કુરુમેદેવ સર્વકાર્યેષુ સર્વદા"  ભાદરવા માસના શુકલપક્ષની ચતુર્થી એટલે ગણપતિ ચોથ જેને આપણે ગણેશ ચતુર્થી તરીકે જાણીએ છીએ. આ ચતુર્થીથી દસ-અગિયાર દિવસ એટલે કે આનંદ ચૌદશ સુધી શ્રી ગણેશજીનું આપણે સૌ વિશેષ રીતે અભિવાદન કરતા હોઈએ છીએ. જોકે ગણેશ ચતુર્થીથી દેશભરના ગણપતિ પંડાલોમાં એક જ ગુંજ સંભળાશે, ગણપતિ બાપ્પા મોરયા. છેવટે તેને શા માટે કહેવામાં આવે છે ? આ પ્રશ્ન ઉદભવવો સ્વાભાવિક છે.   અમે તમને એ જણાવીશું કે કેમ ગણપતિ બાપ્પા મોરયા જ બોલવામાં આવે છે. 

ગણપતિ બાપ્પા સાથે સંકળાયેલા ગણપતિ બાપ્પા મોરયા શબ્દ પાછળ ગણપતિનું મયુરેશ્વર સ્વરૂપ હોવાનું માનવામાં આવે છે. ગણેશ પુરાણ અનુસાર સિંધુ નામના રાક્ષસના અત્યાચારથી તમામ લોકો કંટાળી ગયા હતા. તે ખૂબ જ શક્તિશાળી હતો અને દેવી-દેવતાઓ, તમામ મનુષ્યો તેના અત્યાચારી સ્વરૂપમાંથી બચવાનો માર્ગ શોધી રહ્યા હતા. બચવા માટે દેવતાઓએ ગણપતિજીનું આહ્વાન કર્યું.

સિંધુને મારવા માટે, ભગવાન ગણેશએ પોતાના વાહન તરીકે મોરને પસંદ કર્યો અને છ હાથવાળા અવતાર ધારણ કર્યા. ભક્તો 'ગણપતિ બાપ્પા મોરયા' ના નારા સાથે આ અવતારની પૂજા કરે છે. આ જ કારણ છે કે જ્યારે ગણેશ વિસર્જન કરવામાં આવે છે, ત્યારે 'ગણપતિ બાપ્પા મોરયા, આવતા વર્ષે તુ વહેલા આવો' ના નારા લગાવવામાં આવે છે.

મુંબઈના લાલબાગ મંદિરમાં ભક્તોની ભીડ

લાલબાગ કા રાજા એ મુંબઈનું સૌથી લોકપ્રિય જાહેર ગણેશ મંડળ છે, જેની સ્થાપના વર્ષ 1934માં કરવામાં આવી હતી. તે મુંબઈના પરેલ વિસ્તારના લાલબાગમાં આવેલું છે, તેથી જ તેને લાલબાગનો રાજા પણ કહેવામાં આવે છે. લાલબાગના રાજા, લાલબાગના ભગવાન ગણપતિની મૂર્તિના દર્શન કરવા એ પોતાનામાં ભાગ્યશાળી માનવામાં આવે છે. એવી પણ માન્યતા છે કે અહીં જે પણ મનોકામનાઓ કરવામાં આવે છે તે અવશ્ય પૂરી થાય છે.