ચુકાદો / વાહ રે, સરકારી કામકાજ! સ્વતંત્રતા સેનાનીએ પેન્શન માટે 40 વર્ષ જોવી પડી રાહ, 96ની ઉંમરે હાઇકોર્ટ અપાવ્યો ન્યાય, કેન્દ્રને ફટકાર્યો દંડ

• 96 વર્ષીય સ્વતંત્રતા સેનાનીને 40 વર્ષે ન્યાય મળ્યો
• સ્વતંત્રતા સૈનિક સમ્માન પેંશનનો હક મેળવવા લડ્યા સેનાની
• હાઈકોર્ટે કેન્દ્ર સરકારને લગાવી ફટકાર

દિલ્હી હાઈકોર્ટે હાલમાં 96 વર્ષીય સ્વતંત્રતા સેનાનીને પેંશન માટે 40 વર્ષ સુધી રાહ જોવડાવવા બદલ કેન્દ્ર સરકારને 20000 રૂપિયાનો દંડ ફટકાર્યો છે. જસ્ટિસ સુબ્રમણ્યમ પ્રસાદે ઉત્તિમ લાલ સિંહની અરજીનું સમાધાન લાવતાં રાજ્યનાં દુ:ખદ મામલા પર નારાજગી વ્યક્ત કરી છે. ઉચ્ચ ન્યાયાલયે ફાઈન લગાડ્યો અને સાથે જ કહ્યું કે આજથી 6 અઠવાડિયાની અંદર અરજદારને ચુકવણી થઈ જવી જોઈએ. હાઈકોર્ટે સિંહની 1980થી સ્વતંત્રતા સૈનિક સમ્માન પેંશનને 6% પ્રતિ વર્ષનાં વ્યાજદર સાથે 12 અઠવાડિયાની અંદર જારી કરવાનો આદેશ આપ્યો છે.

પેંશન માટે 40 વર્ષોનો ઈંતેજાર
દેશની આઝાદી માટે લોહી-પાણી એક કરનારા સ્વતંત્રતા સેનાનીઓને સમ્માનિત કરવા માટે ભારત સરકાર દ્વારા સ્વતંત્રતા સેનિક સમ્માન પેંશન યોજનાની ઘોષણા કરી હતી. જસ્ટિસ પ્રસાદે 2 નવેમ્બરનાં જાહેર કરેલા નિર્ણયમાં કહ્યું કે 96 વર્ષીય સ્વતંત્રતા સેનાનીને પોતાના યોગ્ય પેંશન મેળવવા માટે દોડાવવામાં આવ્યું છે. પ્રસાદે કહ્યું કે અર્જન્ટ રિટ અરજી વ્યક્તિની દુખદ સ્થિતિ દર્શાવે છે. એક 96 વર્ષીય સ્વતંત્રતા સેનાનીને પોતાના પેંશન માટે 40 વર્ષોથી વધારે સમય સુધી રાહ જોવી પડી છે.

કોર્ટે નારાજગી વ્યક્ત કરી
પીઠે કહ્યું કે બિહાર સરકારે અરજદારનાં મામલામાં ભલામણ કરી છે અને મૂળ દસ્તાવેજો કેન્દ્ર સરકારને મોક્લયા છે જે કેન્દ્ર સરકારે ગૂમ કરી દીધાં છે. પીઠે કહ્યું કે બિહાર સરકારે 14.07.2022માં  અરજદારના નામની ફરી ચકાસણી કરવામાં આવી હતી. કોર્ટે નારાજગી વ્યક્ત કરતાં કહ્યું કે જે પ્રકારે આ થયું છે તે દુખદ છે. સ્વતંત્રતા સેનાનીઓની સાથે આવો વ્યવહાર કરવામાં આવી રહ્યો છે. અને દેશની આઝાદી માટે લડનારા સ્વતંત્રતા સેનાનીઓ પ્રતિ ભારત સંઘ દ્વારા અસંવેદનશીલતા દેખાડવામાં આવી રહી છે.