Coronavirus / ગભરાશો નહીં, દિલ્હીમાં કોરોના વાયરસગ્રસ્ત દર્દીને લઈને આવ્યા સારા સમાચાર

• દિલ્હીમાં કોરોના વાયરસથી સંક્રમિત દર્દીઓ મળી આવવાનો સિલસિલો જારી
• દિલ્હીના પહેલા કોરોના વાયરસ પોઝિટિવ વ્યક્તિ રોહિત દત્તા સ્વસ્થ થયા

તેઓએ જણાવ્યું કે હું ઇટાલી અને બાદમાં હંગેરીના બુડાપેસ્ટમાં 21 જાન્યુઆરી ગયો હતો. 25 ફેબ્રુઆરીએ ભારત પાછો ફર્યો હતો અને એ જ રાત્રે મને 99.5 ડિગ્રી ફેરનહીટ તાવ આવ્યો. 26 ફેબ્રુઆરીએ હું ડૉક્ટર પાસે ગયો. 3 દિવસ સુધી દવાઓ લીધી, ત્યારબાદ 28 ફેબ્રુઆરીએ તાવ થોડો ઉતર્યો. 

1 માર્ચે કોરોના પોઝિટિવ આવી રિપોર્ટ

તેઓએ કહ્યું, ડૉક્ટરે મને આરએમએલ હોસ્પિટલ મોકલી દીધો. 29 ફેબ્રુઆરીએ હું આરએમએલ ગયો. ફોર્મમાં તાવનો ઉલ્લેખ કર્યો. ત્યારબાદ ત્યાં મને દાખલ કરવામાં આવ્યો. 1 માર્ચે રિપોર્ટમાં કોરોના વાયરસથી સંક્રમિત હોવાની પુષ્ટી થઇ. ત્યારબાદ મને એક અલગ વોર્ડમાં દાખલ કરવામાં આવ્યો. જ્યાં ડૉક્ટર અને નર્સનો સારો સહકાર મળ્યો. 

તેઓએ જણાવ્યું કે જ્યારે હું ઇટાલીથી પરત ફર્યો તો પુત્રની બર્થ ડે પાર્ટી આપી હતી. 28 ફેબ્રુઆરીએ હયાતમાં એક પાર્ટી રાખી હતી. જ્યાં લગભગ 12-13 લોકો હતા. જ્યારે કોરોના વાયરસથી સંક્રમિત હોવાની પુષ્ટી થઇ તો પરિવારના તમામ સભ્યોની સાથે મિત્રોની પણ કોરોના વાયરસની તપાસ કરાઇ, જે પાર્ટીમાં હાજર હતા. પરંતુ આ તમામની રિપોર્ટ નેગેટિવ આપી હતી.

હજુ પણ ઘરમાં અલગ રહી રહ્યો છું

રોહિતે જણાવ્યું કે આ દરમિયાન હું એક કલાક માટે ઓફિસ પણ ગયો હતો. જ્યાં હું ચાર લોકોના સંપર્કમાં આવ્યો હતો એ તમામની તપાસ થઇ પરંતુ તેમના રિપોર્ટ પણ નેગેટીવ આવ્યા. તેઓએ આગળ જણાવ્યું કે જ્યારે હું વાયરસથી મુક્ત થયો, તો મને ગત શનિવારે છોડી દેવામાં આવ્યો. હાલ હું ઘરે છું, પરંતુ હજુ પણ ઘરમાં અલગ રહેવાની કોશિશ કરી રહ્યો છું. 

તેઓએ જણાવ્યું, સરકારે તમામ સુવિધાઓ ઉભી કરી છે. જેને પણ ખાંસી-શરદી હોય ચેક જરુર કરાવે. રોહિતે એમ પણ જણાવ્યું કે જ્યારે હું ઇટાલી હતો ત્યારે ત્યાં 21 ફેબ્રુઆરી સુધી કોરોના વાયરસનો કોઇ મામલો નહોતો. કોરોના વાયરસના પહેલા સમાચાર ઇટલીમાં 22 ફેબ્રુઆરીએ આવ્યા હતા.