IPL 2025 / સુપર ઓવરમાં દિલ્હી કેપિટલ્સે મારી બાજી, રોમાંચક મેચમાં રાજસ્થાનને હરાવ્યું

કેવી રહીં સુપર ઓવર

સુપર ઓવર દરમિયાન રાજસ્થાને પ્રથમ બેટિંગ કરી હતી. રાજસ્થાન તરફથી શિમરોન હેટમાયર અને રિયાન પરાગ બેટિંગ કરી હતી. જ્યારે દિલ્હીએ ફાસ્ટ બોલર મિશેલ સ્ટાર્કને બોલ સોંપ્યો હતો. પહેલા બોલ પર કોઈ રન નહોતો અને હેટમાયરે બીજા બોલ પર ચોગ્ગો ફટકાર્યો. હેટમાયરે ત્રીજા બોલ પર એક સિંગલ લીધો અને પરાગ સ્ટ્રાઈક પર આવ્યો. પરાગે ચોથા બોલ પર ચોગ્ગો ફટકાર્યો, પરંતુ તેને નો બોલ જાહેર કરવામાં આવ્યો. સ્ટાર્ક ફ્રી હિટ પર વાઈડ બોલ ફેંકે છે, પરંતુ પરાગ રન આઉટ થઈ જાય છે. પરાગ ચાર રન બનાવીને આઉટ થયો અને યશસ્વી જયસ્વાલ ક્રીઝ પર આવ્યો. બીજા બોલ પર, હેટમાયર શોટ ફટકાર્યો અને બે રન માટે દોડ્યો. જોકે, ફક્ત એક જ રન પૂર્ણ થયો અને ટીમ સુપર ઓવર પૂર્ણ કરી શકી નહીં. રાજસ્થાને પાંચ બોલમાં 11 રન બનાવ્યા

રાજસ્થાનના બેટ્સમેનોની તાબડતોડ બેટિંગ

લક્ષ્યનો પીછો કરવા ઉતરેલી રાજસ્થાનની શરૂઆત સારી રહી અને પાવરપ્લે સુધી એક પણ વિકેટ ગુમાવી નહીં. જોકે, કેપ્ટન સંજુ સેમસન 19 બોલમાં 31 રન બનાવ્યા બાદ હર્ટ થઈ ગયો અને ફરી મેદાનમાં પાછો ફર્યો નહીં. રિયાન પરાગ આઠ રન બનાવીને પેવેલિયન પાછો ફર્યો. આ પછી, યશસ્વીએ નીતિશ રાણા સાથે મળીને 50+ રનની ભાગીદારી કરી. યશસ્વીએ સિઝનની પોતાની બીજી અડધી સદી ફટકારી હતી પરંતુ તે 37 બોલમાં ત્રણ ચોગ્ગા અને ચાર છગ્ગાની મદદથી 51 રન બનાવીને આઉટ થયો હતો. 

નીતિશ રાણાએ બાજી સંભાળી અને 26 બોલમાં પોતાની અડધી સદી પૂરી કરી. નીતિશ પણ લાંબો સમય ટકી શક્યો નહીં અને 28 બોલમાં છ ચોગ્ગા અને બે છગ્ગાની મદદથી 51 રન બનાવીને આઉટ થયો. રાજસ્થાન માટે, ધ્રુવ જુરેલ અને શિમરોન હેટમાયર ક્રીઝ પર હતા અને સેટ હતા

સેમસન ઈજાગ્રસ્ત થઈને રિટાયર્ડ હર્ટ થયો

દિલ્હી કેપિટલ્સ સામે રાજસ્થાનના કેપ્ટન સંજુ સેમસન રિટાયર્ડ હર્ટ થઈને મેદાન છોડીને ચાલ્યા ગયા. સેમસન યશસ્વી જયસ્વાલ સાથે સારી બેટિંગ કરી રહ્યો હતો પરંતુ પાવરપ્લે સમાપ્ત થાય તે પહેલાં જ તે રિટાયર્ડ હર્ટ થઈ ગયો. છ ઓવરના અંત સુધીમાં રાજસ્થાને કોઈ પણ નુકસાન વિના 63 રન બનાવી લીધા છે. સેમસને 19 બોલમાં બે ચોગ્ગા અને ત્રણ છગ્ગાની મદદથી 31 રન બનાવ્યા.

દિલ્હીની ટીમનો બેટિંગમાં જલવો

અભિષેક પોરેલ અને કેએલ રાહુલ વચ્ચેની શાનદાર ભાગીદારીની મદદથી દિલ્હી કેપિટલ્સે રાજસ્થાન રોયલ્સ માટે 189 રનનો લક્ષ્યાંક રાખ્યો છે. રાજસ્થાને ટોસ જીતીને પહેલા બોલિંગ કરવાનો નિર્ણય લીધો. દિલ્હી માટે કોઈ બેટ્સમેન મોટી ઇનિંગ્સ રમી શક્યો ન હતો, પરંતુ તેઓએ સિંગલ ડબલ રન લઇને સારું પ્રદર્શન કર્યું જેના કારણે ટીમ 20 ઓવરમાં પાંચ વિકેટે 188 રન બનાવી શકી. દિલ્હી તરફથી પોરેલે સૌથી વધુ 49 રન બનાવ્યા, જ્યારે કેએલ રાહુલે 38 રનનું યોગદાન આપ્યું.

વધુ વાંચો: 24 છગ્ગા અને 2 ચોગ્ગા, 37 બોલમાં 160 રન, IPL વચ્ચે આ ખેલાડીએ મચાવી તબાહી

રાહુલના આઉટ થયા પછી, પોરેલે પણ આગામી ઓવરમાં પોતાની વિકેટ ગુમાવી દીધી અને અડધી સદી ફટકારવાનું ચૂકી ગયો. ત્યારબાદ કેપ્ટન અક્ષર પટેલ ક્રીઝ પર આવ્યો અને આક્રમક બેટિંગ કરી. અક્ષર 14 બોલમાં ચાર ચોગ્ગા અને બે છગ્ગાની મદદથી 34 રન બનાવીને આઉટ થયો હતો. ટ્રિસ્ટન સ્ટબ્સ અને આશુતોષે છેલ્લી ઓવરોમાં શાનદાર બેટિંગ કરીને ટીમનો સ્કોર 180 થી વધુ પહોંચાડ્યો.

બંને ટીમોનો પ્લેઈંગ-11

રાજસ્થાન રોયલ્સ: યશસ્વી જયસ્વાલ, સંજુ સેમસન (કેપ્ટન અને વિકેટકીપર), રાયન પરાગ, ધ્રુવ જુરેલ, શિમરોન હેટમાયર, નીતિશ રાણા, વાનિન્દુ હસરંગા, જોફ્રા આર્ચર, મહેશ તિક્ષિના, સંદીપ શર્મા, તુષાર દેશપાંડે.

દિલ્હી કેપિટલ્સ: જેક ફ્રેઝર મેકગર્ક, અભિષેક પોરેલ, કરુણ નાયર, કેએલ રાહુલ (વિકેટકીપર), અક્ષર પટેલ (કેપ્ટન), ટ્રિસ્ટન સ્ટબ્સ, આશુતોષ શર્મા, વિપરાજ નિગમ, મિશેલ સ્ટાર્ક, કુલદીપ યાદવ, મોહિત શર્મા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ