સ્પોર્ટ્સ / 24 છગ્ગા અને 2 ચોગ્ગા, 37 બોલમાં 160 રન, IPL વચ્ચે આ ખેલાડીએ મચાવી તબાહી

આ T10 મેચ 16 એપ્રિલના રોજ ઇટાલીના બોલોગ્નામાં બે સ્થાનિક ટીમો સિવિડેટ અને માર્ખોર મિલાનો વચ્ચે યોજાઈ હતી. આ મેચમાં પ્રથમ બેટિંગ કરતા, માર્ખોર મિલાનોએ નિર્ધારિત 10 ઓવરમાં 2 વિકેટે 210 રન બનાવ્યા.

વિકેટકીપર બેટ્સમેન અને માર્ખોર મિલાનો ટીમના કેપ્ટન ઝૈન નકવી મેચનો સ્ટાર રહ્યો. તેણે માત્ર 37 બોલમાં અણનમ 160 રનની ઇનિંગ રમી.

આ દરમિયાન તેણે આ તોફાની ઇનિંગમાં 24 છગ્ગા અને 2 ચોગ્ગા પણ ફટકાર્યા. આ ઇનિંગ દરમિયાન જૈન નકવીનો સ્ટ્રાઇક રેટ 432.43 હતો. ખાસ વાત એ હતી કે તેણે માત્ર 26 બોલમાં પોતાની સદી ફટકારી હતી.

23 વર્ષીય ઝૈન નકવીએ ઇનિંગની છેલ્લી ઓવરમાં છ છગ્ગા ફટકાર્યા અને

સિવિડેટના ગુરપ્રીત સિંહને ધોઇ નાખ્યો. ગુરપ્રીત ઇનિંગની છેલ્લી ઓવર નાખવા આવ્યો. જ્યાં જૈન નકવીએ પોતાના 6 બોલમાં સતત 6 છગ્ગા ફટકાર્યા. આ દરમિયાન ગુરપ્રીતની બે ઓવરમાં કુલ 53 રન બન્યા. જ્યારે સિવિડેટના કેપ્ટન કુલજિંદર સિંહ વધુ મોંઘા સાબિત થયા. તેણે પોતાની બે ઓવરમાં કુલ 29 રન આપ્યા.

View this post on Instagram

A post shared by Zain Naqvi (@zain_naqvi__)

સિવિડેટ ટીમ રન ચેઝમાં નિષ્ફળ ગઈ

સિવિડેટ ટીમ મેચમાં ક્યાંય પણ નિયંત્રણમાં દેખાઈ ન હતી અને 9 ઓવરમાં 106 રનમાં ઓલઆઉટ થઈ ગઈ હતી.

વધુ વાંચો: પંજાબ સામે KKRએ ચીટિંગ કરી! અમ્પાયરે મેદાન પર પકડી ભૂલ, 2 ખેલાડીઓ ટેસ્ટમાં ફેલ

તેમની તરફથી શાહબાઝ મસૂદે સૌથી વધુ 34 રન બનાવ્યા. માર્ખોર મિલાનો તરફથી રફતુર રફત સૌથી સફળ બોલર રહ્યો, જેણે 4 વિકેટ લીધી. જ્યારે ફરાઝ અલીને 3 સફળતા મળી.

ઝૈન નકવીનો આંતરરાષ્ટ્રીય રેકોર્ડ:

ઝૈન નકવી વિશે વાત કરીએ તો, તે ઇટાલિયન ટીમ માટે રમે છે. 23 વર્ષીય જૈન નકવીએ 4 ટી20 આંતરરાષ્ટ્રીય મેચોમાં ઇટાલીનું પ્રતિનિધિત્વ કર્યું છે. જ્યાં તેણે 4 મેચમાં ફક્ત 7 રન બનાવ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ