વધુ એક આફત / હવે માઈચોંગ વાવાઝોડાનો ખતરો: આગામી 48 કલાક અતિભારે, જાણો ક્યાં થશે લેન્ડફૉલ, ભારે વરસાદની પણ આગાહી

• દક્ષિણ આંદામાન સમુદ્ર પરનું લો પ્રેશર વધ્યું
• આગામી 48 કલાકમાં ચક્રવાતી તોફાનમાં તબ્દીલ થશે
• ભારેથી અતિભારે વરસાદની સંભાવના

બંગાળની દક્ષિણપૂર્વ ખાડી નજીક દક્ષિણ આંદામાન સમુદ્ર પરનું લો પ્રેશર વધી જતા ચક્રવાતી તોફાનનું જોખમ વધી રહ્યું છે. હવામાન વિભાગે (IMD) ચેતવણી જાહેર કરીને બંગાળની ખાડીમાં હવામાનમાં કેવા પ્રકારનો ફેરફાર થવા જઈ રહ્યો છે તે અંગે જણાવ્યું છે. 

હવામાન વિભાગે જણાવ્યું કે, ‘આ વાવાઝોડુ પશ્ચિમ-ઉત્તર-પશ્ચિમ દિશા તરફ આગળ વધી શકે છે. 30 નવેમ્બર સુધીમાં બંગાળની ખાડીના દક્ષિણમાં પ્રેશર બની જશે. આ પ્રેશર વધુ ગંભીર બનશે અને આગળ વધશે. આગામી 48 કલાકમાં આ પ્રેશર દક્ષિણ-પશ્ચિમની પાસે દક્ષિણપૂર્વ બંગાળની ખાડીની ઉપર ચક્રવાતી તોફાન ‘માઈચોંગ’ તબ્દીલ થઈ જશે.’

વરસાદ થવાની સંભાવના
નિકોબાર દ્વીપ સમૂહના મોટાભાગના સ્થળ પર હળવાથી મધ્યમ વરસાદ થવાની સંભાવના છે. 29 નવેમ્બરથી 1 ડિસેમ્બર સુધી હળવાથી ભારે વરસાદની સંભાવના છે. આંદામાન દ્વીપના મોટાભાગના વિસ્તારોમાં હળવાથી મધ્યમ વરસાદની સંભાવના છે. 30 નવેમ્બરના રોજ ભારે વરસાદની સંભાવના છે. 

ભારે પવન સાથે વરસાદ
પ્રતિ કલાકે 25-35 કિલોમીટરની ઝડપે ભારે પવન ફૂંકાશે, પ્રતિ કલાકે 45 કિલોમીટર સુધી પવન ફૂંકાઈ શકે છે. બંગાળની ખાડીના દક્ષિણ-પૂર્વમાં 30 નવેમ્બરના રોજ પ્રતિ કલાકે 40-50 કિલોમીટરથી 60 કિલોમીટરની ઝડપે પવન ફૂંકાઈ શકે છે. 1 ડિસેમ્બર સુધી પ્રતિ કલાકે 50-60 કિલોમીટરથી 70 કિલોમીટરની ઝડપે પવન ફૂંકાઈ શકે છે.