બેંકિંગ સેવાઓ / કરોડો બેન્ક ગ્રાહકોને ફટકો! આ બેન્કિંગ સેવાઓના ચાર્જમાં વધારો ઝીંકાયો, નવા રેટ 1 મેથી લાગુ

દેશની બીજી સૌથી મોટી ખાનગી ક્ષેત્રની બેંક ICICI બેંકએ તેના શુલ્કમાં સુધારો કર્યો છે. બેંકે IMPS, ચેકબુક, ડેબિટ કાર્ડ વાર્ષિક ચાર્જ, વ્યાજ પ્રમાણપત્ર, બેલેન્સ પ્રમાણપત્ર, સરનામાની ચકાસણી વગેરે જેવા ઘણા પ્રકારના શુલ્કમાં ફેરફાર કર્યા છે. બેંકએ તેની સત્તાવાર વેબસાઇટ પર માહિતી આપી છે કે આ સેવાઓ માટેના નવા શુલ્ક 1 મે, 2024થી અમલમાં આવશે.

બેંકે આ સેવાઓમાં ફી માં કર્યો સુધારો 

ICICI બેંકની સત્તાવાર વેબસાઇટ પર આપવામાં આવેલી માહિતી અનુસાર, બેંકએ તેના ડેબિટ કાર્ડની વાર્ષિક ફીમાં ફેરફાર કર્યો છે. હવે બેંકના ગ્રાહકોએ શહેરી વિસ્તારોમાં વાર્ષિક 200 રૂપિયા અને ગ્રામીણ વિસ્તારોમાં 99 રૂપિયા ચૂકવવા પડશે. ચેકબુકમાંથી 25 ચેક જારી કરવા માટે ગ્રાહકોએ કોઈ ચાર્જ ચૂકવવો પડશે નહીં. આ પછી દરેક ચેક માટે 4 રૂપિયા પ્રતિ ચેકની ફી ચૂકવવી પડશે. જો DD અથવા PO રદ કરવામાં આવે અથવા ડુપ્લિકેટ પુનઃપ્રમાણિત કરવામાં આવે, તો 100 રૂપિયા ચૂકવવા પડશે. જ્યારે IMPS દ્વારા પૈસા ટ્રાન્સફર કરવા માટે તમે 1,000 રૂપિયાની રકમ ટ્રાન્સફર કરો છો તો તમારે પ્રતિ ટ્રાન્ઝેક્શન 2.50 રૂપિયા ચૂકવવા પડશે.

સ્ટોપ પેમેન્ટ ચાર્જ પર 100 રૂપિયા ચૂકવવા પડશે

જ્યારે 1 રૂપિયાથી 25 હજાર રૂપિયાના ટ્રાન્ઝેક્શન પર 5 રૂપિયા અને 25 હજાર રૂપિયાથી 5 લાખ રૂપિયાના ટ્રાન્ઝેક્શન પર 15 રૂપિયાનો સર્વિસ ચાર્જ ચૂકવવો પડશે. એકાઉન્ટ બંધ કરવા પર કોઈ સર્વિસ ચાર્જ લેવામાં આવતો નથી. ડેબિટ કાર્ડ પિન રિજનરેશન પર શૂન્ય સર્વિસ ચાર્જ લાગશે. ડેબિટ કાર્ડ પિન રિજનરેશન પર શૂન્ય સર્વિસ ચાર્જ છે. બેલેન્સ સર્ટિફિકેશન, વ્યાજ પ્રમાણપત્ર અને જૂના વ્યવહારોના દસ્તાવેજો માટે સર્વિસ ચાર્જ શૂન્ય હશે. સહી વેરિફિકેશન અથવા અટૈસ્ટ માટે રૂ. 100 પ્રતિ ટ્રાન્ઝેક્શન ચૂકવવા પડશે. ECS/NACH ડેબિટ કાર્ડ રિટર્ન પર ગ્રાહકોએ નાણાકીય કારણોસર 500 રૂપિયાની ફી ચૂકવવી પડશે. ઈન્ટરનેટ યુઝર આઈડી અથવા પાસવર્ડ ફરીથી જારી કરવા માટે, એડ્રેસ ચેન્જ રિક્વેસ્ટ પર ગ્રાહકોએ ઝીરો સર્વિસ ચાર્જ ચૂકવવો પડશે. તમારે સ્ટોપ પેમેન્ટ ચાર્જ પર 100 રૂપિયા ચૂકવવા પડશે.

વધુ વાંચો: શું લોકસભા ચૂંટણી બાદ મોબાઇલ રિચાર્જ થશે મોંઘા! સામે આવ્યો ચોંકાવનારો રિપોર્ટ

રોકડ જમા ચાર્જમાં પણ ફેરફાર

બેંકએ કેશ ડિપોઝીટ ચાર્જીસમાં પણ ફેરફાર કર્યા છે. જો તમે બેંકની રજાઓ અને સામાન્ય કામકાજના દિવસોમાં સાંજે 6 વાગ્યાથી સવારના 8 વાગ્યાની વચ્ચે રોકડ ડિપોઝિટ મશીનમાં 10,000 રૂપિયાથી વધુ જમા કરો છો, તો તમારે પ્રતિ ટ્રાન્ઝેક્શન 50 રૂપિયાની ફી ચૂકવવી પડશે. બેંક વરિષ્ઠ નાગરિકો, જનધન ખાતા અને વિદ્યાર્થીઓના ખાતામાં પૈસા જમા કરાવવા માટે કોઈ ફી વસૂલતી નથી. આ સિવાય કાર્ડ ખોવાઈ જવાની સ્થિતિમાં બેંક અન્ય કાર્ડ આપવા માટે કાર્ડ દીઠ 200 રૂપિયા વસૂલશે. જ્યારે ATM બેલેન્સની પૂછપરછ માટે ભારત બહાર 25 રૂપિયાની ફી ચૂકવવી પડશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો