રાહત / કોરોના સંકટ વચ્ચે આવ્યા સૌથી મહત્વના સમાચાર, ICMRએ આ દવાને આપી મંજૂરી

• કોરોના અંગે આવ્યા સૌથી મહત્વના સમાચાર
• ICMRએ એલોપેથી અને આયુર્વેદથી તૈયાર થયેલી દવાને આપી મંજુરી
• યૂપીના સૈફઈ મેડિકલ યુનિ.ની દવાને આપી મંજુરી

ઉલ્લેખનીય છે કે, ઉત્તરપ્રદેશની સૈફઈ મેડિકલ યુનિવર્સિટીએ આ દવા બનાવી છે. જેમાં આયુર્વેદના 12 અને એલોપેથીના 1 ઘટકનું મિશ્રણ કરીને દવા તૈયાર કરવામાં આવી છે. જેનું કોરોનાના 40 દર્દીઓ પર પરિક્ષણ કરવામાં આવ્યું. 

દવા લીધા બાદ 26 દર્દીઓ પાંચમાં દિવસે થયાં સાજા 

આપને જણાવી દઇએ કે, આ દવા લીધા બાદ 26 દર્દીઓ પાંચમાં દિવસે સાજા થઈ ગયા. જ્યારે 4 દર્દીઓ 10માં દિવસે સાજા થયા અને બાકીના 10 દર્દીઓની હજુ સારવાર ચાલી રહી છે. 

થોડા જ સમયમાં બજારમાં મળશે આ દવા 

પરિક્ષણ થયેલા 40 દર્દીઓ 9થી 60 વર્ષની ઉંમરના છે. જેમાંથી 8 દર્દી શ્વાસ, ડાયાબિટીસ, કેન્સર અને હ્રદયની બિમારીથી પણ પીડિત હતા. ઉત્તરપ્રદેશ સરકારે કોવિડ-19 હોસ્પિટલ માટે આ દવાનું ઉત્પાદન કરવાની સૂચના આપી દિધી છે. અને થોડા જ સમયમાં બજારમાં પણ આ દવા ઉપલબ્ધ થઈ જશે.