બચાવ / ગુજરાત સરકારનો કોરોનાને રોકવા માસ્ટર પ્લાન, 10 જિલ્લામાં નહીં પ્રવેશવા દે કોરોના

• 10 જિલ્લા કોરોનાથી સલામત
• શું કહ્યુ આરોગ્ય સચિવે?
• છેવાડાના ગામો પણ કોરનાના સંકજામાં
• કોરોનાના સાઈલેન્ટ કેરિયર છે ખતરનાક

શું છે સરકારનો માસ્ટર પ્લાન?

અત્યાર સુધીમાં ગુજરાતમાં 19 જિલ્લામાં કોરોના એ પ્રવેશ કરી લીધો છે. 10 જ જિલ્લા કોરોનાથી બચી શક્યા છે ત્યારે ગુજરાત સરકાર તનતોડ મહેનત કરીને માસ્ટર પ્લાન બનાવ્યો છે કે, કોરોનાને ક્લસ્ટર કન્ટેન્ટમેન દ્વારા જે એરિયા ચેપગ્રસ્ત છે ત્યાં જ રોકી લેવામાં આવે અને તેને ફેલાતો અટકાવી દેવામાં આવે. આ અંગે સીએમ રૂપાણી સહિત તમામ કેબિનેટ અને ડોક્ટર્સ, કલેક્ટર તેમજ પોલીસ સહિતના લોકોએ સાથે મળીને એક માસ્ટર પ્લાન બનાવ્યો છે. 

10 જિલ્લા કોરોનાથી સલામત

હવે માત્ર દસથી વધુ જિલ્લાઓ એવા છે જે કોરોનાથી સલામત રહ્યા છે. કેમ કે અહીં એક પણ કેસ નોંધાયો નથી. જોકે રાજ્ય આરોગ્ય વિભાગ ને એવી દહેશત છે કે શહેરોમાંથી ગયેલા લોકો ગામડાઓમાં પણ કોરોના ફેલાવી શકે છે. આ જોતા હવે  જે જિલ્લા માં કોરોના નો એક પણ કેસ નોંધાયો નથી ત્યાં પણ હવે કોરોનાના  ટેસ્ટ કરવામાં આવશે .જેથી અગાઉથી પોઝિટિવ કેસ હોય તો તે જાણી શકાય.

શું કહ્યુ આરોગ્ય સચિવે?

આરોગ્ય સચિવ ડો.જયંતિ રવિએ જણાવ્યું કે , જે જિલ્લાઓમાં કોરોનાનો એક પણ કેસ નોંધાયો નથી ત્યાં રેન્ડમલી કોરોનાના ટેસ્ટ કરી અને પોઝિટિવ કેસો છે કે કેમ તેની ચકાસણી કરવામાં આવશે. દરેક જિલ્લામાં 100 જણાનો ટેસ્ટ કરવામાં આવશે. જેથી જે તે વિસ્તારમાં પોઝિટિવ કેસ છે કે કેમ તે અંગે અગાઉથી જાણી શકાશે.

છેવાડાના ગામો પણ કોરનાના સંકજામાં

 ગુજરાતના છેવાડાના જિલ્લા જેમકે પંચમહાલ, છોટાઉદેપુર, દાહોદ, પાટણ, કરછ, ગીર સોમનાથ અને ભરૂચ સહિત વિસ્તારોમાં પણ કોરોનાના નામ કેસો નોંધાઈ ચુક્યા છે. 

કોરોનાના સાઈલેન્ટ કેરિયર છે ખતરનાક

અમદાવાદ રાજ્યભરમાં કેટલાય કેસમાં એવું જોવા મળ્યું છે કે દર્દીમાં કોઇ પણ પ્રકારના કોરોના ના લક્ષણ ન હોય તો પણ તે પોઝિટિવ હોય છે. આવા લોકને કોરનાના સાઈલેન્ટ કેરિયર કરે છે એટલે કે, આ લોકોને લક્ષણો ન હોવાને કારણે તેમનાથી કોરનાના ફેલાવાની ગતિમાં ખુબ વધારો થઈ જાય છે કારણ કે, દર્દીને ખુદ પણ ખબર નથી હોતી કે તે કોરના ગ્રસ્ત છે અને કોરના ફેલાવી રહ્યા છે.