છૂટછાટ / હવે પૂર્વ અમદાવાદ પણ ધમધમતું થશે, 11 કન્ટેનમેન્ટ ઝોન સિવાયના વિસ્તારોમાં ઉત્પાદન એકમોને મંજૂરી

અમદાવાદના પૂર્વ વિસ્તાર માટે સૌથી મોટા સમાચાર આવ્યા છે. પૂર્વ વિસ્તારમાં કન્ટેઇનમેંટ ઝોન સિવાયના વિસ્તારમાં જનજીવન સામાન્ય થશે. AMC દ્વારા  મહત્વનો નિણર્ય લેવામાં આવ્યો છે જેમાં કન્ટેનમેન્ટ ઝોન સિવાયના પૂર્વ વિસ્તારના બંધ રાખવામાં આવેલા વિસ્તારોમાં ઉત્પાદન એકમોને છૂટછાટ આપવામાં આવી છે. 

અમદાવાદ શહેરમાં કોરોના સંક્રમણને અટકાવવા માટે લેવાઈ રહેલા શ્રેણીબદ્ધ પગલાંઓ ની સમીક્ષા માટેની આઠમી બેઠક આજરોજ સાબરમતી રીવર ફ્રન્ટ હાઉસ ખાતે બપોરે 12 વાગે યોજાએલી બેઠકમાં મનપા કમિશનર મુકેશ કુમારે જુદા જુદા ઝોનના ડેપ્યુટી મ્યુનિસિપલ કમિશનર સાથે વિગતવાર ચર્ચા કરીને પૂર્વ વિસ્તારમાં પણ કન્ટેનમેન્ટ જોન સિવાયના વિસ્તારમાં છૂટછાટ આપવામાં આવી છે. 

તા.18 મે 2020  મુજબ હવે અમદાવાદ શહેરના કન્ટેન્સેન્ટ ઝોન સિવાયના તમામ વિસ્તારોમાં એટલે કે, સાબરમતી નદીના પૂર્વ વિસ્તાર સહિત, તમામ ઉત્પાદન પ્રવૃત્તિઓને છૂટ આપવામાં આવેલ છે. આવી છૂટ રાજય સરકારના ઉદ્યોગ વિભાગના વખતો વખતના સ્ટાન્ડર્ડ ઓપરેટિંગ પ્રોસીજર અને સૂચનાઓને આધિન રહેશે. તે મુજબ હવે પશ્ચિમ વિસ્તાર ઉપરાંત પૂર્વ વિસ્તારોમાં પણ ઉત્પાદનની પ્રવૃત્તિઓને છૂટ આપવામાં આવેલ છે.

પૂર્વ અમદાવાદમાં ક્યા વિસ્તારમાં છૂટછાટ?

શાહીબાગ, કુબેરનગર, બાપુનગર, ઠક્કરબાપાનગર
શૈજપુર બોઘા, ઇન્ડિયા કોલોની , સરદારનગર , નરોડા
ભાઈપુરા, હાટકેશ્વર, અમરાઈવાડી, વિરાટનગરમાં પણ મળશે છૂટ
ઓઢવ, નિકોલ, વસ્ત્રાલ, રામોલ, હાથીજણ, ઇન્દ્રપુરીમાં એકમોને છૂટ
ખોખરા, ઇસનપુર, વટવા, લાંભામાં ઔદ્યોગિક એકમો મંજૂરી મળી 

શહેરના ક્યા વિસ્તારમાં મંજૂરી નહીં?

શહેરના 10 વોર્ડના વિસ્તારોમાં વિસ્તારોમાં મંજૂરી નહી 
ખાડીયા, જમાલપુર, શાહપુર, દાણીલીમડામાં મંજૂરી નહી
કાલુપુર, સરસપુર, મણિનગર, બહેરામપુરામાં નહી ખુલે દુકાનો
અસારવા અને આસ્ટોડિયામાં પણ હજુ સુધી મંજૂરી નહી