- લસણનું સેવન હ્રદય અને મગજ માટે પણ ફાયદાકારક
- શરીરની રોગપ્રતિકારક શક્તિને મજબૂત બનાવે
- શિયાળામાં લસણની ચટણી બનાવીને તેનું સેવન કરી શકો
શિયાળામાં બીમારીઓનું જોખમ વધી જાય છે. તેનાથી બચવા માટે દરરોજ લસણની 2 કળીનું સેવન કરવું જોઈએ. લસણ સ્વાસ્થ્ય માટે ખુબજ ફાયદાકારક છે. દરરોજ લસણનું સેવન હ્રદય, મગજ અને સ્નાયુઓનાં સ્વાસ્થ્ય માટે ફાયદાકારક માનવામાં આવે છે. જેના કારણે હ્રદય રોગનું જોખમ ઘટી જાય છે અને ડાયાબિટીસ નિયંત્રણમાં રહે છે. જાણો લસણ ખાવાની રીત વિશે.
શરીરને ગરમ રાખે
લસણ તાસીરમાં ગરમ હોય છે. શિયાળામાં તેના સેવનથી શરીર ગરમ રહે છે. લસણમાં ફોસ્ફરસ, પોટેશિયમ, કેલ્શિયમ, આયર્ન અને કોપર જેવા પોષક તત્વો હોય છે. આ સાથે તેમાં વિટામિન C અને B6 પણ હોય છે. લસણ શરીરની રોગપ્રતિકારક શક્તિને મજબૂત બનાવે છે. લસણમાં એન્ટીઓક્સિડેન્ટ ગુણ હોય છે. જેનાથી ઓક્સિડેટિવ તણાવ ઓછું થાય છે. શિયાળામાં લસણની ચટણી બનાવીને તેનું સેવન કરી શકો.
હ્રદય રોગ દૂર થશે
એક શોધ મુજબ કાચું લસણ હ્રદયનાં સ્વાસ્થ્ય માટે સારું માનવામાં આવે છે. કાચું લસણ ખાવાથી ધમનીઓમાં અવરોધ દૂર થાય છે. તેમાં એલિસિક જોવા મળે છે. જે લોહીને પાતળું કરે છે. જેના કારણે હૃદયમાંથી લોહી સરળતાથી વહે છે. લસણનાં સેવનથી કોલેસ્ટ્રોલનું સ્તર નિયંત્રણમાં રહે છે. સવારે ખાલી પેટ એક ગ્લાસ પાણી સાથે કાચા લસણનું સેવન કરવું જોઈએ.
લસણવાળી ચા
કાચું લસણ ખાવામાં સમસ્યા થતી હોય તો લસણની ચા બનાવી તેનું સેવન કરી શકાય. તેના માટે એક કપ પાણી લો અને તેમાં એક કળી લસણ છીણીને ઉમેરો. ત્યારબાદ અલધી ચમચી તજ પાવડર ઉમેરો. હવે તેને 2 થી 3 મિનિટ સુધી ઉકળવા દો. તેમાં એક નાની ચમચી મધ અને અળધી ચમચી લીંબુ પાણી ઉમેરી તેનું સેવન કરી શકો.
વાંચવા જેવું: તમારા ફ્રિજમાં પણ પ્લાસ્ટિકની બોટલમાં પાણી હોય તો ફેંકી દેજો! નહીંતર પાછળથી પસ્તાશો
લસણની ચટણી
લસણની ચટણી ખુબજ સ્વાદિષ્ટ હોય છે. તેના સેવનથી ફ્લૂ, શરદી, ઉધરસ અને કફ જેવી સમસ્યાઓથી રાહત મળે છે. લસણની ચટણી બનાવવા માટે લાલ મરચું, લસણ, નમક, ધાણાભાજી અને દહીં એક સાથે પીસી લો. હવે એક કઢાઈમાં રાઈનું તેલ ઉમેરી તેને ગરમ થવા દો. તેલ ગરમ થઈ જાય એટલે તેમાં જીરું ઉમેરી ચટણી મિક્સ કરી લો. હવે તેને સરખી રીતે પાકવા દો.
