લોકસભા ચૂંટણી 2024 / કોંગ્રેસના ઉમેદવાર હીરા જોટવા અને ઋત્વિક મકવાણાએ કર્યા પ્રચારના શ્રીગણેશ

કોંગ્રેસ દ્વારા ઉમેદવાર જાહેર કરતાની સાથે જ ઉમેદવારો દ્વારા પ્રચાર શરુ કરી દીધા છે. જૂનાગઢનાં ઉમેદવાર દ્વારા સોમનાથ દાદાનાં દર્શન કરી પ્રચારનાં શ્રી ગણેશ કર્યા હતા. જ્યારે સુરેન્દ્રનગરનાં ઉમેદવાર દ્વારા પણ પ્રચારનાં શ્રી ગણેશ કર્યા હતા. 

જૂનાગઢનાં કોંગ્રેસના ઉમેદવારે પ્રચાર શરુ કર્યો
જૂનાગઢ લોકસભા સીટ પર કોંગ્રેસ હીરા જોટવાની નામની જાહેરાત કરી છે. ત્યારે હીરા જોટવાએ આજે સોમનાથ દાદાના દર્શન કરી પ્રચારના શ્રીગણેશ કર્યા છે. હીરા જોટવાની સોમનાથની મુલાકાતને લઈ ઢોલનગારા સાથે તેમનું સ્વાગત કરવામાં આવ્યુ હતુ.સ્વાગતને લઈ તેમના સમર્થકો સાથે જોડાયા હતા.

સુરેન્દ્રનગર લોકસભાની સીટ માટે ઋત્વિક મકવાણાની પસંદગી કરવામાં આવી
લોકસભાની ચૂંટણી નજીકમાં છે ત્યારે રાજકીય પક્ષ દ્વારા ઉમેદવારની પસંદગી કરી ને તેની જાહેરાત કરવામાં આવી રહી છે. ત્યારે ગત મોડી રાતે કોંગ્રેસ દ્વારા ત્રણ ઉમેદવારોની યાદી જાહેર કરી હતી જેમાં સુરેન્દ્રનગર લોકસભાની સીટ માટે ઋત્વિક મકવાણાની પસંદગી કરવામાં આવી છે. ત્યારે આ નવો ચહેરો આગામી લોકસભાની ચૂંટણીમાં કોંગ્રેસમાંથી પોતે ઉમેદવારી કરશે. પોતે તળપદા કોળી સમાજમાંથી  આવે છે. સુરેન્દ્રનગરના સાયલા તાલુકાના ધજાળાના રહેવાસી છે. પોતાને ટિકિટ મળતા પોતે પણ ખુશ છે. અને ટિકિટ માટે પસંદગી કોંગ્રેસ સંગઠનના આગેવાનો તેમજ પ્રદેશ પ્રમુખ જીલ્લા પ્રમુખ અને કાર્યકર્તાઓનો આભાર માન્યો હતો. 

વધુ વાંચોઃ 'હે શક્તિ, તમે શાંત રહેજો...' પરેશ ધાનાણીએ પ્રજ્ઞાબા ઝાલાનો વીડિયો પોસ્ટ કરી લખી કવિતા

આગામી ચૂંટણીમાં જીતનો વિશ્વાસ વ્યક્ત કર્યોઃ ઋત્વિક મકવાણા (સુરેન્દ્રનગર લોકસભા સીટના કોંગ્રેસના ઉમેદવાર)
આ બાબતે સુરેન્દ્રનગર લોકસભા સીટના કોંગ્રેસના ઉમેદવાર ઋત્વિક મકવાણાએ કહ્યું  કે, હું જીતીશ તેવો વિશ્વાસ વ્યક્ત કરેલ. સાથે પ્રજાના સેવક થઈને પણ હું સેવા કરીશ.  આગામી દિવસોમાં લોકસભાની ચૂંટણી માટે પ્રચાર શરૂ કરીશ અને જીલ્લાના સંગઠનને સાથે રાખીને લોકો વચ્ચે જવાના છીએ  ઉમેદવાર તરીકે નામ જાહેર થતાં જ સુરેન્દ્રનગર કોંગ્રેસ કાર્યાલય ખાતે ઉમેદવાર ઋત્વિક મકવાણા  ઉપસ્થિત રહ્યા હતા.  જીલ્લા કોંગ્રેસના આગેવાનો  હોદેદારો,  ઉપસ્થિત રહ્યા હતા અને ઉમેદવારને અભિનંદન આપ્યા હતા. જયારે ઉમેદવારે આગામી ચૂંટણીમાં જીતનો વિશ્વાસ વ્યક્ત કર્યો હતો. આ વિસ્તારના લોકોના પ્રશ્નોનાં ઉકેલ લાવવા માટે આગળ કાર્ય કરવા માટેની ખાતરી આપી હતી.  આ વિસ્તારમાં લોકોની સમસ્યા તેમજ લોકોના પ્રશ્નોનો ઝડપી ઉકેલ આવે તે માટે હું કામ કરીશ સાથે આ વિસ્તારમાં વિકાસના કામો રોજગારી માટે આરોગ્ય માટે શિક્ષણ માટે હું કામ કરીશ.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો