પેટાચૂંટણી / કોંગી નેતા બળદેવજીએ કહ્યું ‘અલ્પેશ અને ધવલસિંહે સમાજનાં નામે વેપાર કરી સોદો કર્યો’

• ધવલસિંહ બિલ્ડરો સાથે બેસવા ભાજપમાં જોડાયાં
• દારૂબંધીનાં નામે અલ્પેશ-ધવલસિંહની ટોળકીએ ત્રાસ ગુજાર્યો
• સંમેલનમાં કાર્યકરો સામે બળદેવજી ઠાકોરના તીખા વેણ

ફરી એકવાર આક્ષેપોમાં ઘેરાયાં અલ્પેશ

ગુજરાતમાં પેટા ચૂંટણી માથે છે. ત્યારે કોંગ્રેસના બળદેવજી ઠાકોરે મહેસામાં ઠાકોર સમાજનાં પ્રમુખ અલ્પેશ ઠાકોરને નિશાનો બનાવતાં આક્ષેપ કર્યો છે કે અલ્પેશ ઠાકોર સમાજનાં નામે વેપાર કરી સોદો કરે છે. આગાઉ પણ અલ્પેશ ઠાકોરે જ્યારે કોંગ્રેસ છોડ્યું હતું ત્યારે પણ રાજકારણમાં આવવા માટે અલ્પેશ ઠાકોરે સમાજનો ઉપયોગ કર્યો હોવાનું ચર્ચાઇ રહ્યું હતું. હાલ તેઓ ભાજપમાં જોડાયાં છે અને તેઓ ભાજપના ઉમેદવાર તરીકે રાધનપુર બેઠક પરથી ચુંટણી લડવાનાં છે. ત્યારે ફરી કોંગ્રેસના બળદેવજીએ તેમના પર નિશાનો સાધ્યો છે.

શુ આક્ષેપો કર્યો

થોડા સમય પહેલા કોંગ્રેસ છોડી ભાજપમાં જોડાયેલા ઠાકોર સમાજનાં નેતા અલ્પેશ ઠાકોર રાધનપુર બેઠક પરથી ચુંટણી લઇ રહ્યાં છે.  ત્યારે કોંગ્રેસનાં નેતા બળદેવજી ઠાકોરે સંમેલનમાં કાર્યકરો સામે અલ્પેશ ઠાકોર અને ધવલસિંહ પર પ્રહાર કર્યો હતો. તેમણે અલ્પેશ ઠાકોરને સમાજના નામે વેપાર કરવાનો આક્ષેપ કર્યો છે. જ્યારે ધવલસિંહ સામે તોળપાણીનો આક્ષેપ કરતા કહ્યું હતું કે બિલ્ડરો સાથે બેસવા ભાજપમાં જોડાય છે. દારુબંધીના નાંમે અલ્પેશ- ધવલસિંહની ટોળકીઓ ત્રાસ ગુજાર્યો છે.  બન્નેએ મોટાઓ જોડે બેસવા નાનાઓને છોડ્યાં છે.