ચિંતાજનક / કોરોના કહેર વચ્ચે ગુજરાતના અધિકારીઓ વચ્ચે 'કોલ્ડ વૉર', કરી રહ્યા છે એવું કે સરકારે ખખડાવ્યા : સૂત્ર

• IAS અધિકારીઓમાં ઓક્સિજન વોરના સંકેત
• સારી કામગીરી દેખાડવા અધિકારીઓ વચ્ચે વોર
• અધિકારીઓ વચ્ચે પણ ગંદુ રાજકારણ

રાજ્યમાં IAS અધિકારીઓમાં ઓક્સિજન વોરના સંકેત

ગુજરાતમાં કોરોના વાયરસના કેસમાં વધારો થઈ રહ્યો છે અને સતત પ્રજાને પારવાર મુશ્કેલીનો સામનો કરવો પડી રહ્યો છે. અમદાવાદ, સુરત, વડોદરા, રાજકોટ અને મહેસાણામાં પરિસ્થિતિ વધારે ખરાબ છે જ્યારે ગ્રામીણ વિસ્તારોમાં પણ સુવિધાઓનો અભાવ જોવા મળી રહ્યો છે ત્યારે બેડ અને ઑક્સીજન માટે પ્રજાને પડી રહેલી મુશ્કેલીઓને હલ કરવાના બદલે રાજ્યના અધિકારીઓ વચ્ચે જ વોર જેવી પરિસ્થિતિ ઊભું થઈ ગઈ હોવાનું સૂત્રો દ્વારા જાણવા મળ્યું છે. 

અધિકારીઓ વચ્ચે ગંદુ રાજકારણ ચાલી રહ્યું છેઃ સૂત્ર

રાજ્યમાં કોરોના વાયરસ સામે લડવા માટે જુદા જુદા અધિકારીઓને જુદી જુદી જવાબદારી આપવામાં આવી છે પરંતુ સૂત્રો દ્વારા જાણવા મળ્યું છે કે આ અધિકારીઓમાં અંદરોઅંદર ગંદુ રાજકારણ ચાલુ થઈ ગયા હોવાના સંકેત છે. પોતાની કામગીરી સારી દેખાડવા માટે અધિકારીઓ વચ્ચે ઑક્સીજન વોરના સંકેત છે, આટલું જ નહીં અધિકારીઓ હિન પ્રકારની વૃત્તિથી કામ કરી રહ્યા હોવાનું સામે આવ્યું છે. 

કેટલાક અધિકારીઓ સિનિયારિટીનો કરી રહ્યાં છે ખોટો ઉપયોગઃ સૂત્ર

સૂત્રો દ્વારા દાવો કરવામાં આવ્યો છે કે અમુક અધિયકારીઓ સિનિયોરિટીનો પણ ખોટો ઉપયોગ કરી રહ્યા છે, અન્ય અન્ય જિલ્લાઓમાં જે ઑક્સીજન આપવામાં હોય તે પોતાના જિલ્લામાં પાઠવી દે છે જેના કારણે કેટલાક જિલ્લાઓમાં ઑક્સીજનને લઈને સમસ્યા ઊભી થતી હોવાનું સામે આવ્યું છે. સૂત્રો દ્વારા જે જાણકારી આપવામાં આવી છે તે અનુસાર જો અધિકારીઓ આ પ્રકારે વર્તન કરી રહ્યા હોય તો અત્યારે ગુજરાત મહામારી સામે લડી રહ્યું છે ત્યારે પોતાનો રેકોર્ડ સારો રાખવા માટે આ અધિકારીઓ લોકોના જીવ સાથે રમી રહ્યા છે. 

સરકારને ધ્યાને આવતા અધિકારીઓને ખખડાવ્યાઃ સૂત્ર

નોંધનીય છે કે સરકારને અધિયારીઓ વચ્ચે ચાલી રહેલા આ વોર વિશે જાણ થઈ હોવાનો દાવો પણ સૂત્રો દ્વારા કરવામાં આવ્યો છે. સૂત્રો અનુસાર આ સમગ્ર મામલો ધ્યાને આવતા સરકારે પણ આ અધિકારીઓને ખખડાવ્યા છે.