ચૂંટણી જંગ / 10 માર્ચ પછી આ લોકોની બધી ગરમી શાંત કરી દઇશું, ફરી એક વખત CM યોગીના સપા પર આકરા પ્રહાર

• આ લોકોની બધી ગરમી શાંત કરી દઇશું
• યોગી આદિત્યનાથે ફરી કર્યા સપા પર આકરા પ્રહાર 
• બુલંદશહરમાં એક ચૂંટણી સભામાં CM yogi બોલ્યા 

ઉત્તરપ્રદેશમાં ચૂંટણી પડઘમ વાગી રહ્યા છે. હવે જંગ રસાકસીનો થઈ ગયો છે. એક ચૂંટણી સભામાં મુખ્યમંત્રી યોગી આદિત્યનાથે સમાજવાદી પાર્ટી અને તેના નેતા અખિલેશ યાદવને આડે હાથ લીધા હતા. આ અગાઉ પણ યોગી આદિત્યનાથ સપા પર આકરા પ્રહારો કરી ચૂક્યા છે ત્યારે તેમણે ફરી વિવાદ થાય એવું નિવેદન આપવાની સાથે કહ્યું હતું કે આ ;લોકો ફરી આવી ગયા છે. 

બુલંદશહરમાં ચૂંટણી સભામાં બોલ્યા CM Yogi Adityanath

ઉલ્લેખનીય છે કે ચૂંટણી અગાઉ ઉત્તરપ્રદેશમાં તમામ પાર્ટીઓ દ્વારા જોરદાર પ્રચાર કરવામાં આવી રહ્યો છે. તમામ પાર્ટીઓ પોતાનું જોર લગાવી રહી છે એવામાં બુલંદશહરમાં એક  ચૂંટણી સભામાં મુખ્યમંત્રી યોગી આદિત્યનાથ સપા પર જોરદાર પ્રહાર કરતાં દેખાયા હતા. 

By taking the vaccine jab, people have given a tight slap to those who questioned the vaccines, called them 'Modi Vaccine', 'BJP vaccine'. Likewise, even in #UPElection2022 you need to give such people a 'sharp dose' by voting for Lotus, BJP: UP CM Yogi Adityanath in Bulandshahr pic.twitter.com/rDJbDCQMWL

— ANI UP/Uttarakhand (@ANINewsUP) February 2, 2022

માલ એ જ છે માત્ર કવર નવું છે 
ઉત્તરપ્રદેશના મુખ્યમંત્રી યોગી આદિત્યનાથે કહ્યું હતું કે 'આ લોકો (સમાજવાદી પાર્ટી) એક વાર ફરી આવી ગયા છે. માલ એ જ છે માત્ર કવર નવું છે. તેઓ ફરી પોતાનું એક નવું કવર લઈને તમારી વચ્ચે આવી ગયા છે. માલ તો એ જ જૂનો અને ખરાબ છે. જેણે તમને દંગાઓ આપ્યા  જેમને તમને માફિયા આપ્યા અને જેણે અસુરક્ષા આપી તેઓને ફરી શાસનમાં આવવું છે પણ કયામતના દિવસે પણ તમારું આ સપનું સાકાર થવાનું નથી એ યાદ રાખજો.' CM યોગી આદિત્યનાથે સમાજવાદી પાર્ટી અને અખિલેશ યાદવ પર પ્રહાર કરતાં કહ્યું હતું કે યાદ રાખજો 10 માર્ચ પછી તમારી બધી ગરમી શાંત કરાવી દઇશું. 

#WATCH | They (SP chief Akhilesh Yadav) are once again coming up with a new envelope. Only the envelope is new, material is still same old, rotten of mafias, riots...After 10 March, "Inki Puri Garmi Shaant Karwa Dengey": UP CM Yogi Adityanath on SP-RLD alliance pic.twitter.com/WNjNFjDhw4

— ANI UP/Uttarakhand (@ANINewsUP) February 2, 2022

વેક્સિનના ડોઝની જેમ વોટિંગના ડોઝની જરૂર 
આ ઉપરાંત CM Yogi Adityanath બોલ્યા હતા કે જે લોકો વેક્સિન મુદ્દે પ્રશ્નો કરીને તેને મોદી વેક્સિન કે ભાજપની વેક્સિન ગણાવી રહ્યા હતા તેને લોકોએ વેક્સિનનો ડોઝ લઈને લપડાક આપી હતી. એ જ રીતે હવે વોટિંગનો ડોઝ આપીને  UP Election 2022 માં પણ તેઓને લપડાક આપવાની છે.