દેશ / નવી સંસદ ઉદ્ધાટનના બહિષ્કાર બાદ હવે કેજરીવાલે કર્યું આ એલાન, PM મોદીને પત્ર લખીને કરી જાણ

• CM અરવિંદ કેજરીવાલે PM મોદીને લખી ચિઠ્ઠી
• PM મોદીથી નારાજ થયાં છે કેજરીવાલ
• લખ્યું કે પીએમ પોતે જ SCનાં આદેશ માનતાં નથી..

નવા સંસદ ભવનનાં ઉદ્ગાટનમાં હાજર રહેવાનાં આમંત્રણનો બહિષ્કાર કર્યાં બાદ હવે દિલ્હીનાં CM કેજરીવાસે નીતિ આયોગની મીટિંગમાં જવાનો પણ ઈનકાર કર્યો છે. તેમણે પ્રધાનમંત્રી નરેન્દ્ર મોદીને ચિઠ્ઠી લખી છે જેમાં તેમણે કહ્યું છે કે 'જે દેશમાં સુપ્રીમ કોર્ટનાં આદેશનું પાલન પણ નથી થતું ત્યાં કોઈપણ બેઠકમાં હાજર રહેવાનો શું ફાયદો.'

Delhi CM Arvind Kejriwal to boycott NITI Ayog meeting, writes a letter to PM Narendra Modi saying "People are asking, if the PM doesn't abide by the SC then where will people go for justice? What's the point of attending NITI Ayog meeting when cooperative federalism is a joke" pic.twitter.com/CPIQJaF9oH

— ANI (@ANI) May 26, 2023

'સહકારી સંઘવાદને પણ એક મજાક બનાવી દીધું છે'
અરવિંદ કેજરીવાલે પોતાની ચિઠ્ઠીમાં લખ્યું કે જો PM પોતે જ સુપ્રીમ કોર્ટનાં આદેશનું પાલન નથી કરતાં તો ન્યાય માટે લોકોએ ક્યાં જવું જોઈએ. PM ભાજપ સિવાયની સરકારને કામ કરવા દે. હવે તો સહકારી સંઘવાદને પણ એક મજાક બનાવી દીધું છે, આવી સ્થિતિમાં નીતિ આયોગની મીટિંગમાં જવાનો કોઈ અર્થ નથી. ચિઠ્ઠીમાં CMએ અધિકારોને લઈને ચાલી રહેલા વિવાદ પર પણ વિસ્તારથી વાત કરી.

'તમે દિલ્હી સરકારને પંગુ બનાવવા ઈચ્છો છો'
CMએ કહ્યું કે 'આ સમયે દિલ્હીમાં જો કોઈ અધિકારી કામ નથી કરી રહ્યું તો તેને હટાવી પણ નથી શકાતાં. આ રીતે તો કામ કઈ રીતે થઈ શકશે. તમે દિલ્હી સરકારને પંગુ બનાવવા ઈચ્છો છો, શું ભારત માટે તમારું આવું વિઝન છે? ' કેજરીવાલે આરોપ લગાવતાં કહ્યું કે 'મોદી સરકાર તેમને કામ કરવા નથી દઈ રહી. '