ફિલ્મજગત / હોલિવૂડની આ કઈ મૂવી છે જેનો ભારતમાં ભયંકર ક્રેઝ: રાતના 3નો પણ શૉ, અઢી હજારમાં પણ નથી મળી રહી ટિકિટ

• હૉલીવુડ ફિલ્મ 'ઓપનહાઈમર'ની ટિકિટો સોલ્ડ આઉટ
• લોકો 2500 ની ટિકિટ લેવા પણ થયાં તૈયાર
• સવારે 3 વાગ્યાનો પણ સ્પેશલ શૉ ગોઠવાયો

દુનિયાનાં સૌથી સફળ અને પ્રખ્યાત ફિલ્મ નિર્દેશકોમાંના એક એવા ક્રિસ્ટોફર નોલન હવે નવી ફિલ્મ લઈને આવી રહ્યાં છે જેનું નામ છે 'ઓપનહાઈમર'. બેટમેનને ગ્લોરીની સાથે સ્ક્રીન પર દ્વિતીય વખત લાવનારા નોલેનની છેલ્લી ત્રણ ફિલ્મો ઈંટરસ્ટેલર, ડનકર્ક અને ટેનેટની સફળતા બાદ હવે આ નવી ફિલ્મ ઈન્ડિયામાં રિલીઝ થવા જઈ રહી છે.

ઓપનહાઈમર ફિલ્મનો ભારતમાં જબરો ક્રેઝ
નોલનની નવી ફિલ્મ 'ઓપનહાઈમર' 21 જૂલાઈ, શુક્રવારનાં રોજ થિયેટર્સમાં રિલીઝ થવા જઈ રહી છે. ફિલ્મની એડવાંસ બુકિંગ જે હિસાબે થઈ રહી છે તેના પરથી જાણી શકાય છે કે હૉલીવુડની ફિલ્મો માટે ભારતમાં જબરો ક્રેઝ છે. દેશની ત્રણ મોટી નેશનલ ચેન્સમાં અત્યાર સુધીમાં આ ફિલ્મ માટે 90 હજાર ટિકિટ્સ એડવાન્સમાં બુક થઈ ગઈ છે.આ એડવાન્સ બુકિંગનો આંકડો 1 લાખ 20 હજાર કરોડ સુધી પહોંચી શકે છે.

સવારે 3 વાગ્યાનો પણ શૉ ગોઠવાયો
મોટી ફિલ્મો માટે કેટલાક થિયેટર્સમાં મોર્નિંગ શૉ ગોઠવાય છે પરંતુ માર્વેલ્સની ફિલ્મો બાદ આ એક સોલો ફિલ્મ ઓપનહાઈમરનો ક્રેઝ એટલો વધારે છે કે મુંબઈનાં થાણેમાં એક થિયેટરે 20 જૂલાઈનાં રાત્રે 11.59 વાગ્યાનો શૉ ગોઠવાયો છે. એટલું જ નહીં સવારે 3 વાગ્યાની આસપાસ પણ શૉ સેટ કરવામાં આવ્યો છે. પરંતુ આ બધામાં ટિકિટ લેવું મુશ્કેલ છે કારણકે બુકિંગ ફુલ થઈ ગઈ છે. 

2500ની ટિકિટ પણ નથી ઉપલબ્ધ
મુંબઈનાં લોઅર પરેલ વિસ્તારમાં એક થિયેટરમાં ઓપનહાઈમર માટે 2450 રૂપિયાની ટિકિટ છે. ટેક્સ એડ કર્યાં બાદ ટિકિટનો ભાવ 2500 રૂપિયાથી પણ વધી રહ્યો છે. પરંતુ ફિલ્મનો ક્રેઝ એવો છે કે અઢી હજારવાળી ટિકિટ પણ સોલ્ડ આઉટ છે.