પોતાના રાજ માટે... અને રાજનીતિમાં સક્રિય થવા માટે સમાજમાં જ ભાગલા પાડવાનું રાજકારણ હવે ગુજરાતમાં શરૂ થયું છે.. 2017ની વિધાનસભા ચૂંટણી જેમ-જેમ નજીકમાં આવી રહી છે.. તેમ તેમ દરેક સમાજના મોટા માથાઓ રાજનીતિમાં પ્રવેશ માટે મરણિયા પ્રયાસો કરી રહ્યા છે.. જેમાં ઉત્તર ગુજરાતમાં પાટીદાર અને ઠાકોર બાદ ચૌધરી સમાજમાં નવાજૂનિના એંધાણ વર્તાયા છે.. કારણ કે, પૂર્વ મંત્રી અને દૂધ સાગર ડેરીના પૂર્વ ચેરમેન વિપૂલ ચૌધરીએ હવે દૂધ સાગરના ચેરમેન અશોક ચૌધરી અને જિલ્લા પંચાયતના પૂર્વ પ્રમુખ હરિભાઈ ચૌધરી પર જાહેર સભામાં વિવાદા સ્પદ ટિપ્પણી કરી છે... જેને લઈને ચૌધરી સમાજમાં બે ફાટા પડતાની સાથે રાજનીતિ ગરમાઈ છે.
દૂધસાગરમાંથી સત્તા ગુમાવવાના ગમમાં વિપુલ ચૌધરી
મહેસાણામાં પણ ચૌધરી સમાજના અલગ અલગ સ્થળે સંમેલનો યોજાયા હતા. જેમાં હરી ચૌધરીના સમર્થનમાં માણસા અને બોરિયાવી ખાતે સંમેલન યોજાયા હતા તો વિપૂલ ચૌધરીના સમર્થનમાં વિસનગરના ગુંજામાં સંમેલન યોજાયુ હતુ. જ્યાં વિપુલ ચૌધરીઓએ ડેરીને લઈ ઋષીકેશ પટેલ પર આક્ષેપો કરી તેમના રાજીનામાંની માગ કરી હતી.
આરોગ્યમંત્રીના રાજીનામાની કરી માંગ
ઉત્તર ગુજરાતની રાજનીતિમાં ફરી સક્રિય થવા માટે રણમેદાનમાં નિકળેલા અને એક પછી એક વિવાદાસ્પદ નિવેદનો આપનારા વિપુલ ચૌધરી હવે આરોગ્યો મંત્રી પર પણ ગરજવા લાગ્યા છે.. તેમણે તો દૂધ સાગર ડેરીની ચૂંટણીમાં પોતાનું રાજ ખતમ કરવામાં આરોગ્ય મંત્રીનો જ હાથ હોય તેવા આક્ષેપો લગાવ્યા છે.. સાથે જ આરોગ્યો મંત્રીના રાજીનામાની માગ કરી છે..
વિધાનસભા ચૂંટણી 2022માં જ્ઞાતિનું ફેક્ટર
2022 ગુજરાત વિધાનસભા ચૂંટણી નજીકમાં છે અને રાજકીય પક્ષોએ તેને લઇને તૈયારીઓ પણ શરૂ કરી દીધી છે. જ્યારે પણ ચૂંટણી હોય ત્યારે તમામ ચૂંટણીઓમાં સ્વાભાવિકપણે અમુક સમીકરણો પર વિશેષ ધ્યાન અપાતું જ હોય છે અને તેમાં જે સમીકરણ સૌથી વધુ ધ્યાને લેવાય છે તે છે જ્ઞાતિગત સમીકરણ. જાતિ જ્ઞાતિના સમીકરણોને માનો કે ન માનો પણ તેને સૌથી વધુ રાજકીય પક્ષો પણ પ્રાધાન્ય આપે છે અને તેની અસર વળી જે તે સમાજો પર પણ જોવા મળતી જ હોય છે. તેમાં પણ જ્ઞાતિનું જે ફેક્ટર છે તેમાં જે જ્ઞાતિની વસતી વધુ હોય તે જ્ઞાતિના સમીકરણો સૌથી વધુ અસરકર્તા સાબીત થતા હોય છે. તેમાં પણ ઠાકોર, કોળી, પાટીદાર અને આદિવાસીની વસતી ટકાવારીને રીતે સૌથી વધુ ગુજરાતમાં હોવાને કારણે આ જ્ઞાતિના સમીકરણને રાજકીય પક્ષો બહુ નજરઅંદાજ નથી કરી શકતી.
રાજકીય પક્ષો તેમને નજરઅંદાજ નથી કરી શકતી તે વાત સ્વાભાવિકરીતે સમાજ અને સમાજના આગેવાનો જાણે જ છે એટલે જ તો અત્યાર સુધીનો ઇતિહાસ છે કે સામાજીક મેળાવડાઓ અને સામાજીક બેઠકોનો દોર પણ ચૂંટણી નજીક આવતા જ વધતો આપણે જોતા આવ્યા છીએ. તેવું જ વાતાવરણ આપણે ગુજરાતમાં ફરીએકવાર જોઇ રહ્યા છીએ. અનેક સમાજોની બેઠક થાય છે. જેમ રાજકીય પક્ષો સમાજ અને સમાજના લોકનેતાઓને પોતાની તરફ આકર્ષવાનો પ્રયાસ કરતા જોવા મળે છે તેમ સમાજના આગેવાનો ચૂંટણી ટાણે પોતાની અનેક માંગ ઉઠાવતા પણ જોવા મળતા હોય છે. સિક્કાની બે બાજુ જેવો આખો આ મુ્દ્દો છે. કારણકે ચૂંટણી આવે એટલે રાજકીય પક્ષોને સમાજ અને સમાજનું હિત યાદ આવે છે તો આ તરફ ચૂંટણી આવે એટલે જ સમાજને પણ તેમની માંગ યાદ આવે છે.
