ગૂડ ન્યૂઝ / ગૃહિણીઓ માટે ગૂડ ન્યૂઝ, હવે સસ્તુ થશે ખાદ્ય તેલ, સરકારે પામ ઓઈલ ટેક્સ ઘટાડીને 5 ટકા કર્યો

• ખાદ્ય તેલના ભાવમાં લાગેલી આગ ઠારવા કેન્દ્રનો નિર્ણય
• પામ ઓઈલ ટેક્સ ઘટાડીને 5 ટકા કર્યો
• પહેલા 7.5 ટકા ટેક્સ હતો
• સરકારના આ નિર્ણયથી આગામી સમયમાં ખાદ્ય તેલ સસ્તુ થશે 

ગૃહિણીઓ માટે સારા સમાચાર છે. મોંઘવારીમાં ઘટાડો કરતું એક પગલું કેન્દ્ર સરકારે ભર્યું છે. કેન્દ્ર સરકારે કાચા પામ ઓઈલ પરના ટેક્સને 7.5 ટકાથી ઘટાડીને 5 ટકા કર્યો જેને કારણે હવે આગામી દિવસોમાં ખાદ્ય તેલના ભાવમાં ઘટાડો આવશે તે નક્કી છે. 

ક્રુડ પામ ઓઈલ પરના એગ્રી સેસને ઘટાડીને 5 ટકા

કેન્દ્રીય ખાદ્ય અને ઉપભોક્તા મંત્રાલયે ટ્વિટ કરીને જણાવ્યું કે કેન્દ્ર સરકારે 12 ફેબ્રુઆરીથી ક્રુડ પામ ઓઈલ પરના એગ્રી સેસને ઘટાડીને 5 ટકા કર્યો છે. અત્યાર સુધી ક્રુડ ઓઈલ પામ પર 7.5 ટકા ટેક્સ હતો જે હવે ઘટ્યો છે. જોકે ક્રુડ પામ ઓઈલ અને રિફાઈન્ડ પામ ઓઈલ પરની ઈમ્પોર્ટ ટેક્સ ગેપ 8.25 ટકા વધી છે. 

Centre reduces agri-cess for Crude Palm Oil (CPO) from 7.5% to 5% with effect from 12th Feb. Post reduction of the agri-cess, the import tax gap between CPO & refined palm oil has increased to 8.25%: Ministry of Consumer Affairs, Food & Public Distribution

— ANI (@ANI) February 14, 2022

કેટલું સસ્તું થશે ખાદ્ય તેલ
બજારના નિષ્ણાંતોના જણાવ્યાનુસાર કેન્દ્ર દ્વારા ટેક્સ ઘટાડવામાં આવતા હવે આગામી સમયમાં ખાદ્ય તેલના ભાવમાં 180 રુપિયા સુધીનો ઘટાડો થઈ શકે છે.

સરકારે ભર્યા આ પગલાઓ
કેંદ્ર સરકારે શનિવારે ક્રુડ પામ ઓઈલ પર ઈફેક્ટીવ ઈમ્પોર્ટ ડ્યૂટીને 8.25 ટકાથી ઘટાડીને 5.5 ટકા કરી છે. ક્રુડ પામ ઓઈલ પર બેસિક કસ્ટમ ડ્યુટી પહેલાથી જ NIL છે તથા હવે સેન્ટ્રલ બોર્ડ ઓફ ઇનડાયરેકટર ટેક્સેજ એંડ કસ્ટમ્સએ એક નોટીફિકેશન જાહેર કરી એક એગ્રી ઇન્ફ્રા ડેવલપમેન્ટ સેસને 7.5 ટકાથી ઘટાડીને 5 ટકા કર્યું છે. આ બદલાવ 13 ફેબ્રુઆરી, 2022 થી પ્રભાવી થઇ ગયો છે. એગ્રી ડેવલપમેન્ટ સેસ તથા સોશિયલ વેલફેયર સેસમાં આ કમી બાદ ક્રુડ પામ ઓઈલ પર ઈફેક્ટીવ ઈમ્પોર્ટ ડ્યુટી 8.25 ટકાથીન ઘટીને 5.5 ટકા પર આવી ગઈ છે. સીબીઆઈસીએ એક નોટીફિકેશન જાહેર કરી ક્રુડ પામ ઓઈલ તથા અન્ય ક્રુડ ઓઈલ પર ઈમ્પોર્ટ ડ્યુટીમાં કરાયેલ ઘટાડાને છ મહિના વધાર્યો છે. આ પ્રકારે ડ્યુટીમાં થયેલ ઘટાડો 30 સપ્ટેમ્બર સુધી લાગુ રહેશે. ઇન્ડસ્ટ્રી બોડી SEA ક્રુડ પામ ઓઈલ તથા રિફાઈંડ પામ ઓઈલ પર લાગવાવાળા ડ્યુટીના અંતરને 11 ટકા પોઈન્ટ પર રાખવાની માંગની કરી રહી છે. આનું કારણ એ છે કે રિફાઈંડ ઓઈલના વધારે ઈમ્પોર્ટથી ઘરેલું રીફાઈનરીઓ પર અસર જોવા મળે છે. રીફાઈંડ પામ ઓઈલ પર ઈફેક્ટીવ ઈમ્પોર્ટ ડ્યુટી 13.75 ટકા છે.