ડેબ્યૂ / ફેમસ યુટ્યુબર બોલીવુડમાં બિગ-બી સાથે કરશે એન્ટ્રી, અમિતાભે એક સમયે પૂછ્યુ હતું કોણ છે આ

• કૅરી મિનાટી કરશે બોલિવૂડમાં ડેબ્યુ 
• અજય દેવગણ પ્રોડક્શનમાંથી આવ્યો કોલ 
• બોલિવૂડમાં આવવાની ગણતરી નહી - અજય નાગર 

એક ઇન્ટરવ્યૂમાં કૅરીએ કહ્યું કે મારા બિઝનેસ હેડ દીપકને મંગત પાઠક તરફથી એક ફોન આવ્યો હતો, જે અજય દેવગણની કંપની સાથે જોડાયેલા છે. તેનો અર્થ છે કે હું જલ્દી જ અજય દેવગણ સાથે નજર આવીશ. 

અજય નાગરે કહ્યું કે મારુ મુખ્ય કામ લોકોનું મનોરંજન કરવું છે. હાલ હું બોલિવૂડ તરફ જવાનો વિચાર નથી કરી રહ્ય પરંતુ હાં હું દરેક વસ્તુનો અનુભવ લેવા ઇચ્છુ છું. આ ફિલ્મ મેં એટલે સાઇન કરી છે કારણકે મારે તેમાં મારુ જ પાત્ર ભજવવાનું છે. માટે આ કામ મારા માટે ખુબ જ આસાન હશે. 

કૅરી મિનાટીએ કહ્યું કે, હું આ ફિલ્મમાં સંપૂર્ણ રીતે ડેબ્યુ નથી કરી રહ્યો, હું એક નાના અને સ્પેશ્યલ રોલ માટે આવવાનો છું. કેરીએ તે માન્યું કે ફિલ્મમાં આવવાને કારણે તેની ફેન ફોલોઇંગમાં વધારો થશે. 

કૅરીએ બનાવ્યું હતુ રૅપ સોન્ગ 

કૅરીનો વિડીયો હટી ગયો તેને લઇને તે ઇમોશનલ થઇ ગયો હતો. હાલમાં જ આ કિસ્સાને એક રૅપ સોન્ગ તરીકે વર્ણવ્યો છે અને તેના વિરોધીઓને ગાલ પર તમાચો લગાવ્યો છે. આ સોન્ગની શરૂઆત તેની સિગ્નેચર લાઇન તો કેસે હૈ આપ લોગ થી થાય છે. 

કૅરીએ ડિલીટ થયેલા વિડીયોના બધા જ ઇમોશન આ ગીતમાં નાખવાનો પ્રયત્ન કર્યો છે. દરેક ઘટના વ્યવસ્થિત રીતે વર્ણવવાનો પ્રયાસ પણ કર્યો છે. 12 કલાક પહેલા રિલીઝ થયેલા સોન્ગને 16 મિલિયન્સ વ્યૂ મળી ગયા છે.