અમદાવાદ / ટોલ માટે ફરજિયાત ફાસ્ટેગનો સ્ટોક તમામ બેંકોમાં ખૂટી ગયો, કારધારકોને હાલાકી

• ફાસ્ટેગ માટે ટોલ બૂથ પર ધક્કો ખાવો પડે છે
• કારધારકો ફાસ્ટેગ માટે ઉદાસીન બેન્કોમાં પણ સ્ટોક ખૂટી ગયો

આ ઉપરાંત ઓનલાઇન ફાસ્ટેગ મેળવવા ૧૯ નવેમ્બર પછી કરેલી તમામ અરજીમાં પૈસા પરત આવતા હોવાની ફરિયાદ વધી રહી છે જ્યારે નેશનલાઇઝ બેન્ક પાસે ફાસ્ટેગનો સ્ટોક નથી તેવું જાણવા મળે છે, જેના કારણે  ફાસ્ટેગ લેવા માટે ટોલનાકા પરના આઉટલેટ સુધી વાહનચાલકોને લાંબા થવું પડે તેવી પરિસ્થિતિ ઊભી થઈ રહી છે. આગામી ૧પ જાન્યુઆરીથી ફાસ્ટેગ ફરજિયાત કરવામાં આવી રહ્યું છે ત્યારે  વાહનચાલકો ઓનલાઇન ફાસ્ટેગ મેળવવા અરજી કરે તો દસ દિવસ બાદ પૈસા પરત આવે છે, જ્યારે એસબીઆઇ, બીઓબી અને આઇઓબી જેવી નેશનલાઇઝ બેન્કમાં ફાસ્ટેગ નથી. વાહનધારકોને ખાનગી બેન્કનાં ફાસ્ટેગ મેળવવા ટોલ પ્લાઝાના આઉટલેટ પર જવું પડે છે.

સરકારી બેન્કનાં ફાસ્ટેગ અને પેટીએમ જેવાં અન્ય કંપનીનાં ફાસ્ટેગ વેચતા ડીલર પાસે ફાસ્ટેગ મળી રહે છે. એસબીઆઇના ડીલરના જણાવ્યા મુજબ તેમની પાસે એસબીઆઇનાં માત્ર હેવી વિહિકલનાં ફાસ્ટેગ છે, જ્યારે ફોર વ્હીલર માટે પેટીએમનાં છે. ફાસ્ટેગ માટે હાઇવે ઓથો‌રિટી દ્વારા જાહેર સ્થળ પર કે મોલમાં કીઓસ્ક મશીન મૂકવાની જાહેરાત થઇ હતી, પરંતુ આવા કોઇ પણ જાહેર સ્થળ પર હાલમાં ફાસ્ટેગ મળતાં નથી.