7 ફોટો ગેલેરી

નેશનલ / કેન્સરની મોંઘી દવાઓ પર 30% ટ્રેડ માર્જિનની તૈયારી, કિંમતોમાં 70% સુધી ઘટાડો થઈ શકે!

Last Updated: 12:37 PM, 23 October 2026

FOLLOW ON

શેર કરો

કેન્સરની સારવારમાં વપરાતી મોંઘી દવાઓના ભાવમાં ટૂંક સમયમાં મોટો ઘટાડો થઈ શકે છે. કેન્દ્ર સરકાર દવાઓ પર ટ્રેડ માર્જિન 30 ટકા સુધી મર્યાદિત કરવાની તૈયારી કરી રહી છે.

1/7

1. કેન્સરની દવાઓ સસ્તી થશે!

સરકારના અંદાજ મુજબ આ વ્યવસ્થા લાગુ થશે તો કેન્સરની કેટલીક દવાઓના મહત્તમ છૂટક ભાવ (MRP)માં 20થી 70 ટકા સુધીનો ઘટાડો થઈ શકે છે. આ પગલાથી કેન્સરના દર્દીઓ અને તેમના પરિવારને સારવાર પાછળ થતા ખર્ચમાં રાહત મળવાની આશા છે.

આ તસવીર શેર કરો

2/7

2. કેન્સરની દવાઓ પર 30% ટ્રેડ માર્જિનની તૈયારી

કેન્દ્ર સરકાર કેન્સરની સારવારમાં વપરાતી મોંઘી દવાઓના ભાવને નિયંત્રિત કરવા માટે ટ્રેડ માર્જિન મહત્તમ 30 ટકા સુધી મર્યાદિત કરવાની તૈયારી કરી રહી છે. સરકારે સુપ્રીમ કોર્ટમાં દાખલ કરેલા સોગંદનામામાં આ પ્રસ્તાવ અંગે માહિતી આપી છે. સરકારનો હેતુ દવાઓની કિંમતો પર નિયંત્રણ લાવવાનો અને દર્દીઓના ખિસ્સામાંથી થતો ખર્ચ ઘટાડવાનો છે. આ વ્યવસ્થા લાગુ થયા બાદ દવાઓના વેચાણમાં વેપારીઓને મળતા માર્જિન પર નિયંત્રણ આવી શકે છે. જોકે, હાલ આ પ્રસ્તાવ પર અંતિમ નિર્ણય લેવાનો બાકી છે.

આ તસવીર શેર કરો

3/7

3. દવાઓના ભાવમાં 70% સુધીનો ઘટાડો થઈ શકે

સરકારના અંદાજ પ્રમાણે ટ્રેડ માર્જિનની મર્યાદા લાગુ કરવામાં આવે તો કેન્સરની કેટલીક દવાઓના મહત્તમ છૂટક ભાવમાં 20થી 70 ટકા સુધીનો ઘટાડો થઈ શકે છે. કેન્સરની સારવાર લાંબા સમય સુધી ચાલતી હોવાથી દર્દીઓ અને તેમના પરિવારને દવાઓ પાછળ મોટો ખર્ચ કરવો પડે છે. આવી સ્થિતિમાં દવાઓના ભાવ ઘટવાથી સારવારનો ખર્ચ ઓછો થઈ શકે છે. સરકાર દવાઓની ખરીદી અને વેચાણ વચ્ચેના નફાને નિયંત્રિત કરીને દર્દીઓને વાજબી ભાવે દવાઓ ઉપલબ્ધ કરાવવા માગે છે. જોકે, વાસ્તવિક ઘટાડો કઈ દવા પર નિયંત્રણ લાગુ થાય છે તેના પર નિર્ભર રહેશે.

આ તસવીર શેર કરો

4/7

4. NPPAની બેઠક બાદ નિષ્ણાત સમિતિની રચના

રાસાયણ અને ખાતર મંત્રાલયના ઔષધ વિભાગે સુપ્રીમ કોર્ટમાં દાખલ કરેલા સોગંદનામામાં જણાવ્યું હતું કે 8 ઓક્ટોબર 2026ના રોજ નેશનલ ફાર્માસ્યુટિકલ પ્રાઇસિંગ ઓથોરિટી (NPPA)ની બેઠકમાં આ પ્રસ્તાવ અંગે નિર્ણય લેવામાં આવ્યો હતો. ત્યારબાદ 9 ઓક્ટોબરે આરોગ્ય અને પરિવાર કલ્યાણ મંત્રાલયે આરોગ્ય સેવા મહાનિર્દેશકની અધ્યક્ષતામાં નિષ્ણાત સમિતિની રચના કરી હતી. આ સમિતિને કેન્સરની સારવારમાં વપરાતી એવી દવાઓની યાદી તૈયાર કરવાની જવાબદારી સોંપવામાં આવી છે, જેના પર ટ્રેડ માર્જિનની મર્યાદા લાગુ કરી શકાય. સમિતિને 10થી 15 દિવસમાં પોતાનો અહેવાલ રજૂ કરવા જણાવાયું છે. અહેવાલ મળ્યા બાદ NPPA જરૂરી સૂચનાઓ જાહેર કરવા અંગે વિચારણા કરશે.

આ તસવીર શેર કરો

5/7

5. વર્ષ 2019માં પણ દવાઓના ભાવ ઘટાડવામાં આવ્યા હતા

કેન્દ્ર સરકારે અગાઉ પણ કેન્સરની દવાઓના ભાવ ઘટાડવા માટે આવું પગલું ભર્યું હતું. ફેબ્રુઆરી 2019માં NPPAએ પસંદ કરાયેલી 42 બિન-અનુસૂચિત કેન્સરની દવાઓ પર ટ્રેડ માર્જિન 30 ટકા સુધી મર્યાદિત કર્યું હતું. આ નિર્ણય બાદ 526 બ્રાન્ડની દવાઓના મહત્તમ છૂટક ભાવમાં ઘટાડો થયો હતો. દવા કંપનીઓ પાસેથી મળેલી માહિતીના આધારે દર્દીઓને વાર્ષિક આશરે રૂ. 2,984 કરોડની બચત થવાનો અંદાજ મૂકવામાં આવ્યો હતો. હવે સરકાર આ જ પ્રકારની વ્યવસ્થાને આગળ વધારવા માગે છે, જેથી કેન્સરની સારવારમાં વપરાતી વધુ મોંઘી દવાઓના ભાવને નિયંત્રિત કરી શકાય.

આ તસવીર શેર કરો

6/7

6. દવા ઉદ્યોગની ચિંતાઓ બાદ નિષ્ણાત સમિતિ લેશે નિર્ણય

નવી વ્યવસ્થા તૈયાર કરતાં પહેલાં સરકાર દવા ઉદ્યોગ, ગ્રાહક સંગઠનો અને અન્ય સંબંધિત પક્ષો સાથે ચર્ચા કરી ચૂકી છે. આ ચર્ચા દરમિયાન કેટલાક સંગઠનોએ નાના દવા ઉત્પાદકો, રોજગારી અને દૂરના વિસ્તારોમાં દવાઓની ઉપલબ્ધતા પર સંભવિત અસર અંગે ચિંતા વ્યક્ત કરી હતી. દવાઓના વિતરણ અને પુરવઠાની વ્યવસ્થા જળવાઈ રહે તે માટે સરકારે ટ્રેડ ચેનલમાં 30 ટકા માર્જિનની જોગવાઈનો ઉલ્લેખ કર્યો છે. હવે નિષ્ણાત સમિતિ કઈ દવાઓ પર મર્યાદા લાગુ કરી શકાય તે અંગે અહેવાલ આપશે. ત્યારબાદ NPPAના નિર્દેશો અને દવાઓની અંતિમ યાદી જાહેર થયા પછી જ સ્પષ્ટ થશે કે કઈ દવાઓના ભાવ ઘટશે અને દર્દીઓને કેટલી રાહત મળશે.

આ તસવીર શેર કરો

7/7

7. DISCLAIMER

આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.

આ તસવીર શેર કરો

સંકળાયેલા મુદ્દાઓ

NPPA Cancer Drugs Price Cancer Medicine Price Cut