લોકસભા ચૂંટણી / VIDEO : 'ટુકડામાં ઘેર લાવીતી' વલસાડમાં પ્રિયંકા ગાંધી ભાવુક, પિતા-દાદીને યાદ કરતાં સાધ્યું નિશાન Priyanka Gandhi

કોંગ્રેસ મહાસચિવ પ્રિયંકા ગાંધીએ શનિવારે ગુજરાતના વલસાડના ધરમપુરમાં એક ચૂંટણી રેલીને સંબોધિત કરી હતી. પ્રિયંકા ગાંધી પોતાના પરિવારનું નામ લેતાં ભાવુક બન્યાં હતા.

પિતા-દાદીએ દેશ માટે બલિદાન આપ્યું

તેમણે કહ્યું કે મેં ઘણા વડાપ્રધાનો જોયા છે જેમાં મારા પિતા રાજીવ ગાંધી પણ સામેલ છે જેમને હું ટુકડામાં પાછા લાવી હતી. પ્રિયંકા ગાંધીએ કહ્યું કે મેં ઘણા વડા પ્રધાનો જોયા છે, માત્ર મારા પરિવારમાંથી જ નહીં. હા, ઈન્દિરા ગાંધી પણ એમાંના એક હતા, તેમણે આ દેશ માટે પોતાના જીવનનું બલિદાન આપ્યું હતું. રાજીવ ગાંધી પણ વડા પ્રધાન હતા, હું તેમને ટુકડામાં ઘેર લાવી હતી. તેમણે દેશ માટે બલિદાન આપ્યું છે. તમે જોયું હશે કે ભાજપના ઘણા નેતાઓ, મંત્રીઓ અને ઉમેદવારો વિવિધ સ્થળોએ કહી રહ્યા છે, કે તેઓ બંધારણને બદલશે. પરંતુ પીએમ મોદી કહી રહ્યા છે કે તેમનો આવો કોઈ ઈરાદો નથી. જો તમે તેમનો ઇતિહાસ જોશો, તો તમને ખ્યાલ આવશે કે તેઓ જુનિયર નેતાઓને પાર્ટી શું કરવા જઈ રહી છે તે જણાવે છે અને પછી શરૂઆતમાં તેને નકારી કાઢે છે,

પ્રિયંકા ગાંધી આક્રમક મૂડમાં

પ્રિયંકા ગાંધીએ પીએમ મોદી પર નિશાન સાધતી વખતે પોતાના પિતા અને દાદીના બલિદાનને યાદ કર્યાં હતા. આ પહેલાના ભાષણમાં પણ પ્રિયંકાએ પીએમ મોદી પર 'મંગળસૂત્ર'થી પલટવાર કર્યો હતો.

1991ની સાલમાં થઈ હતી રાજીવ ગાંધીની હત્યા

1991ની સાલમાં તમિલનાડુના શ્રીપેરમ્બદુમમા તમિલ લિબરેશન ટાઈગર્સ ઓફ તમિલ ઈલમ (એલટીટીઈ)ના 22 વર્ષીય સભ્યએ આરડીએક્સ (RDX) થી ભરેલા પટ્ટાનો વિસ્ફોટ કર્યો હતો જેમાં રાજીવ ગાંધીનું મોત થયું હતું.