આઈપીએલ ધીરે ધીરે અંતિમ તબક્કા તરફ આગળ વધી રહી છે. પ્લે ઓફ્સમાં પહોંચવા માટે દરેક ટીમ પોતાની પૂરી તાકાત લગાવી રહી છે. કેટલીક ટીમો પોતાનું સ્થાન મજબૂત કરી રહી છે, તો કેટલાકનું પર્ફોમન્સ નબળું રહ્યું છે. ટીમ પર કરોડો રૂપિયા ખર્ચનાર આ ટીમના માલિકો પણ પોતાની ટીમને હારતી જોઈને નિરાશ થાય છે. આવો જ એક કિસ્સો 8 મેના રોજ રમાયેલી સનરાઈઝર્સ હૈદરાબાદ અને લખનઉ સુપર જાયન્ટ્સની મેચ દરમિયાન સામે આવ્યો છે. આ મેચમાં લખનઉનો કારમો પરાજય થયો છે.
મેચ હાર્યા બાદ કેપ્ટન કે એલ રાહુલ અને ટીમના માલિક સંજય ગોયન્કા વચ્ચેની વાતચીતનો એક વીડિયો સોશિયલ મીડિયા પર વાઈરલ થયો છે. જેમાં સંજીવ ગોયન્કા જબરજસ્ત ગુસ્સામાં દેખાઈ રહ્યા છે. આખરે આ સંજીવ ગોયંકા છે કોણ અને તેમના બિઝનેસ શું છે? ચાલો આગળ જાણીએ.
સંજીવ ગોયન્કા જાણીતા ભારતીય ઉદ્યોગપતિ છે, જેમને કોઈ ઓળખની જરૂર નથી. સંજીવ ગોયન્કા દેશના સૌથી વધુ પૈસાદાર લોકોની યાદીમાં ાસમેલ છે, અને તેઓ RPSG ગ્રુપના ચેરમેન છે. તેમનો બિઝનેસ જુદા જુદા સેક્ટર્સમાં ફેલાયેલો છે, જેમાં પાવર, કાર્બન બ્લેક, ITES, કન્ઝ્યુમર એન્ડ રિટેલ, મીડિયા એન્ડ એન્ટરટેઈનમેન્ટ, સ્પોર્ટ્સ, એજ્યુકેસન એન્ડ ઈન્ફ્રાસ્ટ્રક્ચર, નેચરલ રિસોર્ઝિસ સામેલ છે. તેમની ઘણી કંપનીઓમાં તો 50 હજાર કરતા વધુ કર્મચારીઓ કામ કરે છે.
ફોર્બ્સ બિલિયનોર ઈન્ડેક્સ મુજબ RPSG ગ્રુપના ચેરમેન સંજીવ ગોયન્કાની નેટવર્થ લગભગ 3.5 અરબ ડૉલર્સ છે. તેમની પ્રમુખ કંપનીઓમાં CESC લિમિટેડ, સારેગામા, સ્પેન્સર્સ રિટેલ અને ફર્સ્ટ સોર્સ સહિતના નામ સામેલ છે. તેમના ગ્રુપની રેવન્યુ લગભગ 4.3 અરબ ડૉલર્સ છે, જેનું હે઼ડક્વાર્ટર કોલકાતામાં છે.
અરબોપતિ સંજીવ ગોયંકાના પુત્ર શાશ્વત ગોયન્કા પણ પિતાના બિઝનેસમાં જ કામ કરે છે. શાસ્વત RPSG ગ્રુપની સુપરમાર્કેટ ચેઈન સ્પેન્સર એન્ડ સ્નેક્સના Too Yummની જવાબદારી સંભાળે છે.
સંજીવ ગોયન્કાએ આઈપીએલમાં લખનઉ સુપર જાયન્ટ્સ પર ઘણો ખર્ચ કર્યો છે. તેમણે માત્ર કે એલ રાહુલને જ ખરીદવા માટે હરાજી દરમિયાન 17 કરોડ રૂપિયાની બોલી લગાવી હતી. માત્ર ક્રિકેટ જ નહીં, તેમણે ફૂટબોલમાં પણ મોટું રોકાણ કર્યું છે. ફોર્બ્સના રિપોર્ટ પ્રમાણે સંજીવ ગોયન્કા પાસે એટલેટિકો ડી કોલકાતા ફૂટબોલ ક્લબમાં પણ મોટો ભાગ છે.
વધુ વાંચો: VIDEO: શરમજનક હાર બાદ કેએલ રાહુલને ટીમ માલિકે ખખડાવી નાખ્યો? ક્લાસ લેતો વીડિયો વાયરલ
8મી મેના રોજ હૈદરાબાદમાં રમાયેલી લખનઉ અને હૈદરાબાદની મેચમાં લખનઉની ટીમ 10 વિકેટે બહુ ખરાબ રીતે હારી ગઈ હતી. ટ્રેવિસ હેડ અને અભિષેક શર્માએ સાથે મળીને 58 બોલમાં 166 રનનો ટાર્ગેટ ચેઝ કરી નાખ્યો, જે ટી 20 ક્રિકેટમાં અત્યાર સુધીનો પહેલી 10 ઓવરમાં સૌથી મોટો સ્કોર છે. આ મેચ દરમિયાન કે એલ રાહુલની ટીમ વામણી સાબિત થઈ. ટીમની આટલી ખરાબ હારથી નિરાશ થયેલા સંજીવ ગોયન્કા જાહેરમાં કે એલ રાહુલને વઢતા દેખાયા હતા. જેનો વીડિયો સોશિયલ મીડિયા પર વાઈરલ થયો છે.
