ગજબ / પાપડ ખાવાના ક્રન્ચી ફાયદા: સ્વાદ તો ખરો સાથે પાચનમાં પણ કારગર, બસ રાખજો આટલું ધ્યાન

ભારતમાં ભોજનની સાથે પાપડ ખાવાની પરંપરા ખૂબ જ જુની છે. રાજસ્થાન અને ગુજરાતમાં તો દર મીલની સાથે પાપડ સર્વ કરવામાં આવે છે. પાપડ ખાવાથી સ્વાસ્થ્યને કયા પ્રકારના લાભ મળે છે અને તેને ખાવાની યોગ્ય રીત કરી છે આવો જાણીએ.

કઈ રીતે બનાવવામાં આવે છે પાપડ?

સામાન્ય રીતે પાપડ મગ અને અડદ દાળના બને છે. આખી રાત તેને પાણીમાં પલાડીને રાખવામાં આવે છે અને પછી તેને પીસી લેવામાં આવે છે. મોટાભાગે પાપડમાં અજમો, હીંગ, મરી પાઉડર અને મીઠુ આ ચાર વસ્તુઓ મિક્સ કરવામાં આવે છે. જે પાપડનો સ્વાદ તો વધારે છે સાથે જ તેના ફાયદા પણ છે.

પાપડના ફાયદા

• અજમો, હીંગ, મરી પાઉડર પાપડમાં ઉપયોગ કરવામાં આવતી આ બધી વસ્તુઓ સરળતાથી પચાવવાનું કામ કરે છે. સાથે જ ગેસ, એસિડિટી, બ્લોટિંગ જેવી સમસ્યાઓ પણ દૂર કરે છે.
• પાપડ એક હેલ્ધી સ્નેક્સ છે. એટલે કે જો તમે વજન ઓછુ કરવાના પ્રયત્ન કરી રહ્યા છો તો પાપડને પોતાની ડાયેટમાં શામેલ કરી શકો છો. જેનાથી પેટ પણ ભરાઈ જાય છે અને કેલેરી પણ નથી વધતી.
• જો ઉપકા આવતા હોય તો પાપડ ખાવાથી ઘણા હદ સુધી રાહત મળી શકે છે.

વધુ વાંચો: નવા રંગરૂપમાં ગુજરાતીઓની ફેવરિટ કાર સ્વિફ્ટ લોન્ચ, મધ્યમ વર્ગને પરવડે તેવી કિંમત

પાપડ ખાવાની યોગ્ય રીત

પાપડથી સ્વાસ્થ્યને થતા ફાયદા મેળવવા માટે જરૂરી છે કે તેને યોગ્ય રીતે ખાવામાં આવે. જો તમે ક્યારેક ક્યારેક પાપડ ખાવ છો તો તેમાં કોઈ સમસ્યા નથી. પરંતુ જો તમે દરરોજ પાપડ ખાવ છો તો તળેલાની જગ્યા પર તેને શેકીને જ ખાવા જોઈએ.