ગુરુવારનો દિવસ સૃષ્ટિના પાલનહાર વિષ્ણુ ભગવાનનો દિવસ માનવામાં આવે છે. આ દિવસે વિશેષ રીતે પૂજા કરવાથી ધન દોલત, વૈવાહિક સુખ મળે છે. આ દિવસે પીળા રંગના કપડાં પેહરવા જોઈએ, સાથે ભગવાનને પીળા ફળ ચઢાવવા જોઈએ. તેમ કરવાથી લાભ થાય છે. પરંતુ ગુરુવારના દિવસે કેટલાક કામો કરવાની મનાઇ છે. તમારા ઘરમાં સુખ સમૃદ્ધિ ટકાવી રાખવા ગુરુવારે શું ન કરવું જોઈએ તે વિશે અહીંયા જાણીશું.
ગુરુવારે આ વસ્તુ ના ખરીદશો
ગુરુવારે કોઈ પણ ધારદાર કે અણીદાર વસ્તુ ખરીદવી અશુભ મનાય છે. જેમાં છરી, સોય જેવી વસ્તુઓ સામેલ છે. જો તમે આવી કોઈ વસ્તુ ખરીદો છો તો જીવનમાં મુશ્કેલીઓ, આર્થિક તંગી જેવા પ્રોબ્લેમ આવી શકે છે. તમારું દાંપત્ય જીવન ખરાબ થઈ શકે છે. ગુરુવારે ભગવાન વિષ્ણુની પૂજા કરવી શુભ મનાય છે પરંતુ આ પૂજા પાઠનો સામાન ન ખરીદવો જોઈએ. ગુરુવારે આંખથી જોડાયેલી કોઈ વસ્તુ ન ખરીદવી જોઈએ.
ગુરુવારે આ કામ ક્યારેય ન કરો
- ગુરુવારે વાળ કપાવાથી, નખ કાપવાથી, શેવિંગ કરવાથી ઉંમર ઘટે છે, સંતાન સુખમાં બાધા આવે છે.
- ગુરુવારે સુહાગણ મહિલાએ માથાના વાળ ન કાપવા જોઈએ
- ગુરુવારે પૂર્વ દિશા, દક્ષિણ દિશા અને નૈઋત્ય દિશામાં પ્રવાસ વર્જિત મનાય છે. જો ખૂબ જરૂરી હોય તો ઘરમાંથી બહાર નીકળતી પેહલા દહીં કે જીરું ખાઈને નીકળો.
- દરરોજ આપણાથી મોટા લોકોનું સન્માન કરવું જોઈએ પરંતુ જો તમે ગુરુવારે કોઈ વડીલનું અપમાન કરો છો તો જીવનમાં ભારે શંકટ આવી શકે છે.
- ગુરુવારના વ્રતમાં મીઠું નથી ખવાતું. જો તમે ગુરુવારે વ્રત ના રાખેલું હોય તો પણ ભોજનમાં વધારાનું મીઠું નાખીને ન ખાઓ, તેવું કરવાથી કુંડળીમાં ગુરુ અશુભ ફળ આપે છે. કામમાં બાધા આવે છે.
વધુ વાંચો : અક્ષય તૃતીયાના દિવસે ત્રણ રાશિના જાતકોની આર્થિક તંગી થશે દૂર, નવી પ્રોપર્ટી, ધનની થશે પ્રાપ્તિ
Disclaimer: અહીંયા આપેલી માહિતી સામાન્ય જાણકારીઓ અને માન્યતાઓ પર આધારિત છે. VTV ન્યૂઝ તેની પુષ્ટિ નથી કરતુ.
