ટૂવ્હીલર વાહન નિર્માતા કંપની હીરો મોટોકોર્પ લિમિટેડે માર્ચ ક્વોટરના પરિણામ જાહેર કરી દીધા છે. નાણાકીય વર્ષ 2023-24ના ચોથા ક્વોટરમાં કંપનીનો પ્રોફિટ 16.7 પ્રતિ વધીને 943.46 કરોડ થઈ ગયો છે. આ કંપનીનો નાણાકીય વર્ષ 2022-23ના ચોથા ક્વોટરમાં નફો 810.8 કરોડ રૂપિયા રહ્યો હતો. હીરો મોટોકોર્પે શેર બજારને જણાવ્યું કે માર્ચ ક્વોટરમાં આવક 9,616.68 કરોડ રૂપિયા રહી જે એક વર્ષ પહેલા આ સમયમાં 8,434.28 કરોડ રૂપિયા હતી.
ચોથા ક્વોટરમાં કંપનીની કુલ આવક વધીને 8,427.36 કરોડ રૂપિયા થઈ ગઈ. જ્યારે ગયા વર્ષે આ સમયમાં તે 7,508.94 કરોડ રૂપિયા હતી. આખા નાણાકીય વર્ષ 2023-24માં કંપનીનો પ્રોફિટ 3,742.16 કરોડ રૂપિયા રહ્યો. જ્યારે નાણાકીય વર્ષ 2022-23માં તે 2.799.9 કરોડ રૂપિયા હતો. નાણાકીય વર્ષમાં કંપનીની આવક 37,788.62 કરોડ રૂપિયા રહી જે 2022-23માં 34,158.38 કરોડ રૂપિયા હતી.
કંપનીએ વેચ્યા 13.92 લાખ બાઈક
હીરો મોટોકોર્પ લિમિટેડ અનુસાર આ નાણાકીય વર્ષ 2023-24ના ક્વોટરમાં 13.92 લાખ મોટરસાયકલ તથા સ્કૂટર વેચ્યા. જ્યારે નાણાકીય વર્ષ 2022-23ના ચોથા ક્વોટરમાં આ આંકડો 12.70 લાખ યુનિટનો હતો. હીરો મોટોકોર્પે નાણાકીય વર્ષ 2023-24માં 56.21 લાખ મોટરસાયકલ તથા સ્કૂટર વેચ્યા જ્યારે તેનાથી પહેલાના નાણાકીય વર્ષમાં 53.29 યુનિટ વેચ્યા હતા.
વધુ વાંચો: VIDEO: શરમજનક હાર બાદ કેએલ રાહુલને ટીમ માલિકે ખખડાવી નાખ્યો? ક્લાસ લેતો વીડિયો વાયરલ
ડિવિડન્ડની જાહેરાત
FY24 માટે કંપનીએ 2 રૂપિયા ફેસ વેલ્યૂના પ્રતિ શેર 40 રૂપિયાના ફાઈનલ ડિવિડન્ટ આપવાની જાહેત કરી છે. તેના પહેલા 100 રૂપિયા પ્રતિ ઈક્વિટી શેરના ડિવિડન્ટની જાહેરાત કરવામાં આવી. આ પ્રકારે નાણાકીય વર્ષ 2023-24 માટે કુલ ડિવિડન્ડને 140 રૂપિયા પ્રતિ ઈક્વિટી શેર એટલે કે 7,000 ટકા સુધી લઈ જઈ શકાય છે.
