કવાયત / ભાજપની 10મી સુશાસન યાત્રા ગુજરાતમાં: તેજસ્વી સૂર્યાએ કર્યું મોટું એલાન, ત્રણ દિવસમાં કરાશે આ કામ

• ગુજરાતમાં સુશાસન યાત્રાનો પ્રારંભ, 3 દિવસ સુધી ચાલશે યાત્રા
• 9 રાજ્યમાં થશે સુશાસન યાત્રા, કાર્યકરો પોતાના રાજ્યમાં પ્રચાર કરશે
• 30 વર્ષથી ગુજરાત સુશાસનનો પર્યાય છે- તેજસ્વી સૂર્યા

ગુજરાતમાં 10મી સુશાસન યાત્રાનો પ્રારંભ થયો છે. ભારતમાં સુશાસન યાત્રાના નેજા હેઠળ 3 દિવસની સુશાસન યાત્રા નીકળશે. આ સાથે 1 વર્ષ દરમિયાન 9 રાજ્યમાં પૂર્ણ કરવામાં સુશાસન યાત્રા આવશે. સુશાસન યાત્રા શરૂ કરવા અંગે તેજસ્વી સૂર્યાએ કહ્યું હતું કે, મોદીજીએ વિકાસનું જે ગુજરાત મોડલ બનાવ્યું છે તે કાર્યકરોને બતાવાશે. 

10મી સુશાસન યાત્રાનો ગુજરાતમાં પ્રારંભ થયો છે. આ સુશાસન યાત્રા શરૂ કરવા અંગે તેજસ્વી સૂર્યાનું નિવેદન સામે આવ્યું છે. તેજસ્વી સૂર્યાએ કહ્યું હતું કે, સુશાસન યાત્રા દરમ્યાન કાર્યકરો પોતાના રાજ્યમાં પ્રચાર કરશે. આ સાથે મોદીજીએ વિકાસનું જે ગુજરાત મોડલ બનાવ્યું છે તે કાર્યકરોને બતાવાશે. તેજસ્વી સૂર્યાએ ઉમેર્યું હતું કે, 30 વર્ષથી ગુજરાત સુશાસનનો પર્યાય છે. 

તેજસ્વી સૂર્યાએ જણાવ્યું હતું કે, સુશાસન યાત્રા દરમ્યાન ઈફ્કો, ગિફ્ટ સિટી, ફોરન્સિક સાયન્સ યુનિવર્સિટી સહિતના પ્રોજેક્ટની મુલાકાત લેવાશે. મહત્વનું છે કે, દરેક મત વિસ્તારમાં આ યાત્રા મારફત લોકોને સરકાર યોજનાઓ અંગે માહિતીઓ આપશે.  

વિધાનસભા ચૂંટણીમાં પ્રચંડ બહુમતી મેળવ્યા બાદ યુવા ભાજપ દ્વારા હવે સુશાસન યાત્રાની કવાયત શરૂ કરાઇ છે. જેમાં યુવા ભાજપ દરેક મત વિસ્તારમાં આ યાત્રા મારફત લોકોને સરકાર યોજનાઓ અંગે માહિતીઓ આપશે. ઉપરાંત તેમના પ્રશ્નો અંગે પણ પક્ષના યુવા સંગઠનકારો જાણીને તે સરકાર સુધી પહોંચાડશે અને તેનો ઉકેલ લાવશે.