Health tips / પેટની ચરબી વધી ગઇ છે? તો આજથી જ ખાવાનું શરૂ કરો આ કડવા ફૂડ, બની જશો 'ફિટનેસ કિંગ'

• વજન ઓછું કરવા માટે ગળ્યુ ના ખાવાની સલાહ આપવામાં આવે છે
• કડવી વસ્તુથી પેટ અને કમરની ચરબી ઓગળી શકે છે
• આવો જાણીએ પેટની ચરબી ઓગાળવાની ટિપ્સ

જ્યારે પણ વજન ઓછું કરવાનું વિચારો ત્યારે સૌથી પહેલા ગળ્યુ ના ખાવાની સલાહ આપવામાં આવે છે. શું તમને ખબર છે કે, કડવી વસ્તુથી પેટ અને કમરની ચરબી ઓગળી શકે છે. અહીંયા કારેલા ખાવાની સલાહ આપવામાં આવી રહી છે. અનેક લોકોને કારેલા પસંદ હોતા નથી. કારેલાનું નામ સાંભળતા જ લોકોન મોઢુ બગાડે છે. અહીંયા અમે તમને કારેલાના ઔષધીય ગુણ વિશે જાણકારી આપી રહ્યા છીએ. 

વજન ઓછુ કરવા માટે કારેલાનું સેવન
કારેલામાં ખૂબ જ ઓછી કેલરી હોય છે, ઉપરાંત વિટામીન સી, ફાઈબર, ઝિંક અને ફોલેટ રહેલા હોય છે. જેની મદદથી સરળતાથી વજન ઓછું થઈ શકે છે ઉપરાંત રોગપ્રતિકારક શક્તિ પણ વધે છે. 

કારેલાથી વજન ઓછું કેવી રીતે થાય છે?
ફાઈબરથી ભરપૂર
કારેલામાં ભરપૂર માત્રામાં ફાઈબર હોય છે, જેથી પાચન મજબૂત થાય છે અને પેટની સમસ્યા થતી નથી. વજન ઓછું કરવા માટે સૌથી પહેલા પાચનતંત્ર યોગ્ય હોવું જરૂરી છે. કારેલાનું સેવન કરવાથી વધુ ભૂખ લાગતી નથી. 

ઓછી કેલરી
તમે આખા દિવસમાં કેટલી કેલરીનું સેવન કરો છો, તેના પર તમારું વજન આધાર રાખે છે. કેલરી ઓછી હશે, તેટલું વજન ઓછું થશે. ઉપરાંત ફેટ અને કાર્બોહાઈડ્રેટ ઓછુ હોય તો પેટ અને કમરની ચરબી સરળતાથી ઓછી થવા લાગે છે. 

વિટામીન ‘સી’થી ભરપૂર
કારેલામાં ભરપૂર માત્રામાં વિટામીન ‘સી’ હોય છે, જેની મદદથી શરીરમાંથી વિષાક્ત પદાર્થો બહાર નીકળી જાય છે. ઉપરાંત વધારાની ચરબી બર્ન થવા લાગે છે અને રોગ પ્રતિકારક શક્તિ વધે છે. 

કારેલાનું સેવન કેવી રીતે કરવું?
કારેલાનું જ્યૂસ ખૂબ જ ફાયદાકારક માનવામાં આવે છે. તમારે કારેલાની કડવાશ ઓછી કરવી હોય તો તેમાં થોડો લીંબુનો રસ મિશ્ર કરી લેવો. નિયમિતરૂપે કારેલાના જ્યૂસનું સેવન કરવાથી વજન ઓછું થવા લાગશે. કારેલાને વધુ તેલમાં ના પકવવા જોઈએ, નહીંતર વજન ઓછું થતું નથી. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)