ક્યારે અટકશે આ સિલસિલો? / અમદાવાદમાં વધુ એક અકસ્માત: એલિસબ્રિજ પર કાર ચાલકે બાઇક સવારને લીધો હડફેટે, નિપજ્યું મોત

• અમદાવાદના એલીસબ્રીજ પર હીટ એન્ડ રન 
• વધુ એક અકસ્માતે લીધો યુવકનો જીવ 
• ગત મોડી રાત્રે કારચાલકે બાઇલચાલકે લીધો અડફેટે 
• એલીજબ્રિજ પર અકસ્માત કાર ચાલક થયો ફરાર

અમદાવાદમાં ફરી એકવાર અકસ્માતની ઘટના સામે આવી છે. વિગતો મુજબ ગત મોડીરાત્રે અમદાવાદના એલીસબ્રીજ પર હીટ એન્ડ રનની ઘટના બની હતી. પ્રાથમિક વિગતો મુજબ આ ઘટનામાં એક યુવકનું મોત થયું છે. ઘટનાને લઈ લોકો ભેગા થઈ ગયા હતા. આ તરફ અકસ્માત સર્જ્યા બાદ કાર ચાલક ફરાર થઈ ગયો હતો. 

અમદાવાદમાં ઇસ્કોન બ્રિજ અકસ્માતની ઘટના બાદ વધુ એક અકસ્માતમાં યુવકનું મોત થયું છે. વાત જાણે એમ છે કે, મોડીરાત્રે અમદાવાદના એલિસબ્રિજ પરથી જમાલપુર વિસ્તારનો સાહિલ અજમેરી નામનો યુવક બાઈક લઈ પસાર થઈ રહ્યો હતો. આ દરમિયાન અચાનક એક બેફામ કારચાલકે બાઇકને અડફેટે લેતા તે ગંભીર રીતે ઇજાગ્રસ્ત બન્યા બાદ તેનું મોત થયું હતું. 

Ahmedabad Accident : ઇસ્કોન બાદ હવે એલિસબ્રિજ પર અકસ્માત: એલિસબ્રિજ પર કાર ચાલકે બાઇક સવારને હડફેટે લેતા બાઇક સવારનું મોત, જમાલપુર વિસ્તારના સાહીલ અજમેરી નામના યુવકનું મોત, કાર ચાલક અકસ્માત સર્જીને ફરાર#gujaratnews #ahmedabadnews #accident #vtvgujarati pic.twitter.com/mD5pPx88D8

— VTV Gujarati News and Beyond (@VtvGujarati) August 11, 2023

અમદાવાદમાં બેફામ કાર ચાલકોના ભોગે નિર્દોષ ગુમાવી રહ્યા છે જીવ 
નોંધનીય છે કે, તાજેતરમાં જ અમદાવાદના ઇસ્કોન બ્રિજ પર તથ્ય પટેલ નામના નબીરાએ બેફામ સ્પીડે જેગુઆર કાર ચલાવીને અકસ્માત સર્જ્યો હતો. આ અકસ્માતમાં 9 લોકોના મોત થયા હતા. તે બાદમાં મણિનગર સહિત અનેક વિસ્તારોમાં પણ અકસ્માતની ઘટના સામે આવી હતી. આ દરમિયાન હવે શહેરના એલિસબ્રિજ પર અકસ્માતની ઘટનામાં એક યુવકે જીવ ગુમાવ્યો છે. આ તરફ અકસ્માત સર્જીને કારચાલક સ્થળ પરથી ફરાર થઈ ગયો હતો.