ભારત જોડો યાત્રા / મોદી સરકારના મંત્રીએ રાહુલ ગાંધીને આપી પૈસા બચાવાની સલાહ: ભાજપ શાસિત રાજ્યોમાં ડીઝલ ભરાવાની શિખામણ આપી

• કેન્દ્રીય પેટ્રોલિયમ મંત્રીએ કોંગ્રેસને આપી સલાહ
• ભારત જોડો યાત્રા પર આ કામ કરવા જણાવ્યું
• ભાજપ શાસિત રાજ્યો અને બિનભાજપશાસિત રાજ્યો વચ્ચે ફરક બતાવ્યો

કેન્દ્રીય પેટ્રોલિયમ મંત્રી હરદીપ સિંહ પુરીએ કોંગ્રેસની ભારત જોડો યાત્રા પર કટાક્ષ કરતા કહ્યુ કે, તે પોતાની યાત્રા દરમિયાન ભાજપ શાસિત રાજ્યોમાં ડીઝલ ભરાવીને જાય. તેનાથી ઘણા રુપિયા બચી જશે. હકીકતમાં પુરીએ આ કટાક્ષ એ સંદર્ભમાં આપ્યો હતો કે, પ્રધાનમંત્રી મોદીના આહ્વાન પર ભાજપશાસિત રાજ્યોએ પેટ્રોલ અને ડીઝલ પર વેટ ઘટાડી દીધો હતો. જો કે, અમુક બિન ભાજપશાસિત રાજ્યોએ આવું કરવાની ના પાડી દીધી હતી.

It can save:
₹3.07/ltr by refuelling in Haryana instead of Delhi
₹3.96/ltr by refuelling in UP instead of Rajasthan
₹3.55/ltr by refuelling in Maharashtra instead of Telangana
₹6.35/ltr & ₹8.63/ltr respectively by refuelling in Karnataka instead of Tamil Nadu & Kerala

— Hardeep Singh Puri (@HardeepSPuri) September 9, 2022

શુક્રવારે કેન્દ્રીય મંત્રી હરદીપ પુરીએ કહ્યું કે, યાત્રા દરમિયાન કોંગ્રેસ નેતા 12 રાજ્યોમાંથી 3500 કિમી યાત્રા કરતા પ્રત્યેક ડીઝલવાહન દીઠ 1050-2205 રૂપિયા બચાવી શકશે. એક સાથે કટેલાય ટ્વિટ કરતા કેન્દ્રીય મંત્રીએ કહ્યું કે, કોંગ્રેસ માટે એક સલાહ છે કે, એ રાજ્યોમાં પ્રવેશ કરતા પહેલા ભાજપ સાથે જોડાયેલ રાજ્યોમાં ઈંધણ ભરાવી લેજો. કારણ કે કેટલાય રાજ્યોએ વેટ ઘટાડવાની ના પાડી દીધી હતી. ઉદાહરણ તરીકે તેલંગણા અને જમ્મુ કાશ્મીરની વચ્ચે 14.5 રૂપિયા પ્રતિ લિટરનો ફરક છે. 

A word of advice for Congress:
It can take a leaf out of the common citizen’s book by refuelling in BJP served states before entering states which have turned a blind eye to fuel price reduction.
For example, there’s a difference of as much as ₹14.5/ltr between Telangana & J&K. pic.twitter.com/DkG57Phcja

— Hardeep Singh Puri (@HardeepSPuri) September 9, 2022

પુરીએ જણાવ્યું- આવી રીતે બચાવી શકશો પૈસા

કટાક્ષ કરતા પુરીએ કોંગ્રેસ પાર્ટીને સલાહ આપી છે. પૈસા બચાવી શકાય છે. દિલ્હીની જગ્યાએ હરિયાણામાં ઈંધણ ભરવશો તો 3.07 રૂપિયા પ્રતિ લિટર, રાજસ્થાનના જગ્યાએ યુપીમાં ઈંધણ ભરાવશો તો પ્રતિ લિટર 3.96 રૂપિયા, તેલંગણાની જગ્યાએ મહારાષ્ટ્રમાં ઈંધણ ભરાવશો તો, 3.55 લીટર જ્યારે તમિલનાડૂ અને કેરલમાં ન ભરાવીને ક્રમશ: 6.35 અને 8.63 રૂપિયા લીટરે બચાવી શકાય.

બાદમાં થેંક્યુ કહી દેજો- પુરી

પુરીએ આગળ કહ્યું કે, કુલ મળીને 12 રાજ્યોમાં 3500 કિમી અને 150 દિવસમાં પોતાની યાત્રા દરમિયાન કોંગ્રેસ 1050 રૂપિયા અને 2205 રૂપિયા પ્રતિ ડીઝલ વાહનની વચ્ચે બચાવી શકશે. લક્ઝૂરી વાહનોના વિશાળ કાફલાને જોતા યુવા નેતા ખાસ કરીને યાત્રા કરી રહ્યા છે. તેઓ મારી આ સલાહ બાદ મારો આભાર વ્યક્ત કરી શકે છે.