રોજગારી / 12 પાસ યુવાનોને દર મહિને મળશે 2500 રુપિયાનું બેરોજગારી ભથ્થું, જાણો કઈ રાજ્ય સરકારે લીધો નિર્ણય

• છત્તીસગઢના 12 પાસ યુવાનો બે વર્ષ સુધી પૈસાની ચિંતા નહીં
• સરકાર દર મહિને આપશે 2500 રુપિયાનું ભથ્થું 
• મુખ્યમંત્રી ભૂપેશ બઘેલે યુવાનો માટે શરુ કરી યોજના
• બેરોજગારી ભથ્થાં માટે ફાળવ્યાં 250 કરોડ 

છત્તીસગઢની ભૂપેશ બઘેલ સરકારે વિદ્યાર્થીઓની રોજગારી માટે એક મહત્વનો નિયમ લાગુ પાડી રહી છે બેરોજગારી ભથ્થં નામની યોજના નવા નાણાકીય વર્ષ 2024 માટે 1 એપ્રિલથી શરૂ કરવામાં આવી છે. છત્તીસગઢના મુખ્યમંત્રી ભૂપેશ બઘેલે લાખો બેરોજગારોને 250 કરોડ રૂપિયા આપવા માટે બજેટમાં જોગવાઈ કરી છે. આ ભથ્થુ માત્ર છત્તીસગઢના રહેવાસીઓને જ આપવામાં આવશે.

કોને નહીં મળે બેરોજગારી ભથ્થાંનો લાભ 
પરિવારના એક જ વ્યક્તિને બેરોજગારી ભથ્થાનો લાભ મળશે પરંતુ નોકરી છોડનારને તેનો લાભ નહીં મળે. તે ઉપરાંત ડોક્ટર, વકીલ અને મોટા હોદ્દા પર બેઠેલા લોકો, 10 હજારથી વધુ પેન્શન મેળવનાર અને ટેક્સ ભરનાર પરિવારના ઘરના આ યોજનાનો લાભ નહીં લઈ શકે. 

2 વર્ષથી વધારે નહીં મળે ભથ્થું
12 પાસ યુવાનોને વધારેમાં વધારે 2 વર્ષ સુધી બેરોજગારી ભથ્થું આપવામાં જો એક વર્ષમાં નોકરી મળી જશે તો ભથ્થું બંધ થઈ જશે અન્યથા એક વર્ષ માટે આગળ વધારવામાં આવશે. દર 6 મહિને આ યોજનાની તપાસ થશે. 

જાણો કેવી રીતે કરશો અરજી
માત્ર છત્તીસગઢ રાજ્યના 12 પાસ યુવાનો અને જેમની ઉંમર 18 થી 35ની વચ્ચે હોય તો તેઓ જિલ્લા રોજગાર અને સ્વરોજગાર માર્ગદર્શન કેન્દ્રમાં રજિસ્ટ્રેશન બે વર્ષ જુનું હોવું જોઈએ. વાર્ષિક આવક પણ 2.5 લાખથી વધારે ન હોવી જોઈએ. અરજી કરવા માટે અધિકૃત વેબસાઇટ exchange.cg.nic.in/exchange/ ની મુલાકાત લો. હવે તમે અહીં તમામ વિગતો ભરીને ફોર્મ સબમિટ કરી શકો છો. પછી ફોર્મ ડાઉનલોડ કરો અને રોજગાર કચેરીમાં સબમિટ કરો. આ પછી તપાસ બાદ બેરોજગારી ભથ્થું આપવામાં આવશે.