મુસીબત / પૂર્વ પીએમ ઈમરાન ખાનના ન્યૂઝ કવરેજ પર લગાવાયો પ્રતિબંધ, પાકિસ્તાનમાં ભારેલા અગ્નિ જેવી સ્થિતિના એંધાણ

• પાકિસ્તાનના પૂર્વ વડાપ્રધાનની મુસીબતમાં વધારો
• 7 માર્ચે સુનાવણી દરમિયાન કોર્ટમા હાજર રહેશે.

પાકિસ્તાનના પૂર્વ વડાપ્રધાન અને પાકિસ્તાન તહરીક-એ-ઈન્સાફના સુપ્રીમો ઈમરાન ખાન પર આવેલ મુસીબત વધતી દેખાઈ રહી છે. હાઈ વોલ્ટેજ દ્રામાંને લઈને હાલ તેમની ધરપકડ મોકૂફ રાખી દેવામાં આવી છે. ઈમરાનની કાનૂની ટીમ દ્વારા ધરપકડ કરનારા અધિકારીઓને ખાતરી આપવામાં આવી છે અને આગામી તા. 7 માર્ચે સુનાવણી દરમિયાન કોર્ટમા હાજર રહેશે.

આ દરમિયાન તેમને મોટો ઝટકો એ લાગ્યો કે પાકિસ્તાનની ઇલેક્ટ્રિક મીડિયા રેગ્યુલીટી ઓથોરિટીએ આજે નિર્ણય લઇ ઇમરાનના ભાણ, પ્રેસ કોમ્ફ્રન્સ અને ચેનલ પર નિવેદન પ્રસિદ્ધ કરવા અંગે જાણ કરાઈ છે. પેમરાએ વટહુકમની કલમ 27 હેઠળ ઇમરાન ખાનના લાઈવ અને રેકોર્ડ કરેલા ભાષણો, નિવેદનો અને વાર્તાલાપ પર પ્રતિબંધ મૂકાયો છે. જેનો ભંગ કરનાર ચેનલ સામે આકરી કાર્યાવહ કરવાનો દાવો કરાયો છે. તેઓ પોતાના ભાષણમાં ખોટા અક્ષેપો કરી રહ્યા છે જેને લઇને કાયદો અને વ્યવસ્થામાં તેમજ શાંતી ડહોળાઈ શકે છે.

ઇમરાન ખાનનું જીવન જોખમમાં

પીટીઆઈના ફવાદ ચૌધરીએ કહ્યું કે ઇમરાન ખાનનો આવાજ દબાવવા અંગેનો નકારાત્મક પ્રયાસ છે. તો પીટીઆઈના વાઇસ ચેરમેન શાહ મોહમ્મદ કુરેશી અને જનરલ સેક્રેટરી અસદ ઉમરે પાકિસ્તાનના મુખ્ય ન્યાયાધીશને લેખિત રજુઆત કરી જણાવ્યું કે ઇમરાન ખાનનું જીવન જોખમમાં છે. જેથી અપીલ કરી ઇમરાન ખાનને કોર્ટની સુનાવણીમાં ભાગ લેવા તકનીકીનો ઉપયોગ કરવાની મંજૂરી આપવા જણાવ્યું છે.

 ઈમરાનના સમર્થકોએ મચાવ્યો હતો હોબાળો

ઈસ્લામાબાદ પોલીસે જેવી ઈમરાનની ધરપકડ માટે આવી કે તરત તેમની પાર્ટી પીટીઆઈના કાર્યકરોએ હોબાળો મચાવ્યો હતો, કાર્યકરો પોલીસ સાથે ઝપાઝપીમાં પણ ઉતર્યાં હતા. તેઓ ઈમરાનની ધરપકડનો વિરોધ કરવા લાગ્યાં જોકે પોલીસે પણ તેમને મચક આપી નહોતી. જોકે ઈસ્લામાબાદના IGએ લાલ આંખ દેખડતાં પોલીસને આજને આજ ધરપકડ કરવાનો ઓર્ડર આપી દેતા પોલીસને પણ તાકાત મળી હતી.

 શું છે તોશખાના કેસ 

તોશાખાના એક કેબિનેટ વિભાગ છે જ્યાં સરકારો, દેશના વડાઓ અને અન્ય દેશોના વિદેશી મહેમાનો દ્વારા આપવામાં આવતી કિંમતી ભેટો રાખવામાં આવે છે. નિયમો હેઠળ, રાજ્યના વડાઓ અથવા અન્ય દેશના મહાનુભાવો પાસેથી મળેલી ભેટો તોશાખાનામાં રાખવાની જરૂર છે. ઈમરાન ખાન 2018માં પાકિસ્તાનના વડાપ્રધાન બન્યા હતા. આરબ દેશોની મુલાકાત દરમિયાન તેમને ત્યાંના શાસકો તરફથી મોંઘી ભેટ મળી હતી. તેને ઘણા યુરોપિયન દેશોના વડાઓ તરફથી કિંમતી ભેટો પણ મળી હતી, જે ઇમરાને તોશાખાનામાં જમા કરાવી હતી. પરંતુ બાદમાં ઈમરાન ખાને તેમને તોશાખાના પાસેથી સસ્તા ભાવે ખરીદીને મોટા નફામાં વેચી દીધા હતા. આ સમગ્ર પ્રક્રિયાને તેમની સરકાર દ્વારા કાનૂની મંજૂરી આપવામાં આવી હતી.