તમારા કામનું / EPF માં જમા પૈસા પર કોઈ માથાકૂટ વગર મળે છે લોન, અઠવાડિયામાં ખાતામાં આવી જશે રકમ, બસ આ શરત પૂરી કરવી પડશે

• EPFO તરફથી કર્મચારીઓને લોનની સુવિધા. 
• કર્મચારીઓ લોન લઈ શકે છે.
• એડવાન્સની સુવિધા પણ ઉપલબ્ધ.

સંગઠિત ક્ષેત્રના તમામ કર્મચારીઓને EPFO નો લાભ આપવામાં આવે છે. EPFO ના તમામ સભ્યોનું PF એકાઉન્ટ ખોલવામાં આવે છે. જેમાં કર્મચારીઓ પોતાની સેલેરીનો એક ભાગ અને તેટલી જ રકમનું યોગદાન નિયોક્તા તરફથી આપવામાં આવે છે. જેથી કર્મચારીઓને નિવૃત્તિ પછી પેન્શન આપવામાં આવે છે અને સરકાર તેના પર વ્યાજ પણ આપે છે. 

EPF અને EPFO તરફથી કર્મચારીઓને લોનની સુવિધા આપવામાં આવે છે, જેથી જો કોઈપણ સમયે જરૂરિયાત ઊભી થાય તો કર્મચારીઓ લોન લઈ શકે છે. કર્મચારીઓ EPF એકાઉન્ટ પર કેટલી લોન લઈ શકે તે, અંગે અહીંયા જણાવવામાં આવ્યું છે. 

EPF Personal Loan શું છે?
કર્મચારી ભવિષ્ય નિધિ સંગઠન (EPFO) ના તમામ સભ્યોના EPF એકાઉન્ટ હોય છે, જેમાંથી એડવાન્સ રકમ મેળવવાની સુવિધા આપવામાં આવે છે. જેને EPF લોન પણ કહેવામાં આવે છે. આ લોન નથી હોતી, પરંતુ તમારા જ એકાઉન્ટમાંથી પૈસા કાઢવામાં આવે છે. કર્મચારીએ કોઈપણ પ્રકારનું વ્યાજ ચૂકવવાનું રહેતું નથી અને કર્મચારી રકમ પણ મેળવી શકે છે. તે માટે EPF એકાઉન્ટ એક્ટીવ હોવું જરૂરી છે. 

કયા કારણોસર પૈસા ઉપાડી શકાય?

• લગ્ન- તમારા અથવા બાળકોના લગ્ન માટે EPFOમાંથી પૈસા કાઢી શકાય છે. 
• શિક્ષા- તમે તમારા માટે, ભાઈ-બહેન અથવા બાળકોના ઉચ્છ શિક્ષણ માટે EPFOમાંથી પૈસા ઉપાડી શકો છો. 
• ઘર અને પ્લોટ- જો તમે રહેવા માટે અથવા રોકાણ માટે ઘર ખરીદવાનું વિચારી રહ્યા છો, તો તમે EPF એકાઉન્ટમાંથી એડવાન્સ લઈ શકો છો. 
• અન્ય કારણ- મેડિકલ ટ્રીટમેન્ટ, હોમ લોન ચૂકવણી તથા અન્ય કારણોસર પણ લોન લઈ શકો છો. 

એક સપ્તાહમાં પૈસા મળી જશે-
તમામ શરતો પૂર્ણ કર્યા પછી EPFOની વેબસાઈટ પરથી ફંડ મેળવવા માટે અરજી કરી શકો છો. સામાન્ય રીતે આ ઓનલાઈન પ્રોસેસ 72 કલાકમાં પૂર્ણ થઈ જાય છે અને એક અઠવાડિયામાં પૈસા એકાઉન્ટમાં આવી જાય છે.