ગુજરાત / 'વિધાનસભામાં ભાજપના ધારાસભ્યો અમને ચિઠ્ઠી આપી કહે છે કે..', કલોલના પૂર્વ MLA બળદેવજી ઠાકોરનું ચર્ચાસ્પદ નિવેદન

• કલોલના પૂર્વ MLA બળદેવજી ઠાકોરનું ચર્ચાસ્પદ નિવેદન 
• "વિધાનસભામાં ભાજપના ધારાસભ્યો અમને ચિઠ્ઠી આપી જાય છે"
• "અમને કહે છે આ બોલોને અમારાથી બોલાતું નથી"

Baldevji Thakor statement: કલોલના પૂર્વ MLA બળદેવજી ઠાકોરનું ચર્ચાસ્પદ નિવેદન સામે આવ્યું છે. તેમણે કહ્યું કે, વિધાનસભામાં ભાજપના ધારસભ્યો અમને ચિઠ્ઠી આપી જાય છે અને અમને કહે છે આ બોલોને અમારાથી બોલાતું નથી. તેમણે કહ્યું કે, 10 ભાજપ વાળા અમારે ત્યાં આવે, કહે લેજોને આ ચિઠ્ઠી અમારાથી બોલાતું નથી. તેમણે વધુમાં કહ્યું કે, આજ સુધી તમારા મતોથી ચૂંટાયેલા ભાજપના વ્યક્તિએ સમાજની વાત નથી કરી અને અમે તો 17 જ છીએ, તમે 156 છો, કરો હવે કંઇક.

मेहसाणा जिले के गोजरिया में क्षत्रिय ठाकोर समाज द्वारा आयोजित नववर्ष स्नेहमिलन समारोह में उपस्थित रह कर नए साल की शुभकामनाएं दी एवं समाज के हित में विचार रखे। pic.twitter.com/Gz2DNdOfPR

— Jagdish Thakor (@jagdishthakormp) December 17, 2023

"અમે તો 17 જ છીએ, તમે 156 છો, કરો હવે કંઇક"
ગોઝારિયા ખાતેના ઠાકોર સમાજના સ્નેહમિલન કાર્યક્રમમાં બળદેવજીના આ નિવેદનથી રાજકારણ ગરમાયું છે. અત્રે જણાવીએ કે, ઠાકોર સમાજમાં કુરિવાજોને નાબૂદ કરવા માટે આ સ્નેહમિલન કાર્યક્રમ યોજાયું હતું, જેમાં પૂર્વ કોંગ્રેસ પ્રદેશ અધ્યક્ષ જગદીશ ઠાકોર, અમિત ચાવડા અને ચાણસ્માના ધારાસભ્ય ઉપસ્થિત રહ્યા.આ કાર્યક્રમમાં ઠાકોર સમાજને શિક્ષિત બનાવવા અપીલ  કરાઈ હતી. ઠાકોર સમાજ વ્યસન મુક્ત બને અને કુરિવાજો નાબૂદ કરવા અપીલ કરાઈ હતી. 

'શું કરવા તમે ચૂંટો છો?'
બળદેવજી ઠાકોરએ કહ્યું કે, ભાજપના ધારાસભ્યો ચૂંટાઇ આવે છે પણ વિધાનસભામાં અમુક પ્રશ્નો બોલી શકતા નથી. ભાજપવાળા બોલી નથી શકતા નથી તો શું કરવા તમે ચૂંટો છો ?, વધુમાં ઉમેર્યું હતું કે, આજદિન સુધી તમારા મતોથી ચૂંટાયેલા ભાજપના કોઈ માણસે સમાજ માટે વાત કરી નથી.