IPL 2024 / 38ની ઉંમરે પોતાની જબરજસ્ત રમતથી કમાલ કરી રહ્યો છે આ ક્રિકેટર, T20 વર્લ્ડ કપ રમવા છે તૈયાર

IPL 2024 : વધતી ઉંમર સાથે દિનેશ કાર્તિકની રમતમાં પણ સુધારો થઈ રહ્યો છે. ટીમ ઈન્ડિયાના અનુભવી વિકેટકીપર કાર્તિકનું કહેવું છે કે તેની નજર આગામી T20 વર્લ્ડ કપમાં રમવા પર છે. IPLની આ સિઝનમાં રોયલ ચેલેન્જર્સ બેંગ્લોર તરફથી રમતા દિનેશ કાર્તિક બેટથી ઘણો ધૂમ મચાવી રહ્યો છે. તેનું કહેવું છે કે તે T20 વર્લ્ડ કપની ટીમમાં જગ્યા બનાવવા માટે તે પોતાની પૂરી તાકાત લગાવી દેશે. T20 વર્લ્ડ કપની 9મી સિઝન 1 જૂનથી અમેરિકા અને વેસ્ટ ઈન્ડિઝમાં યોજાશે. વર્લ્ડ કપ સુધીમાં કાર્તિક 39 વર્ષનો થઈ જશે.

અનુભવી જમણેરી વિકેટકીપર દિનેશ કાર્તિક 2022માં ઓસ્ટ્રેલિયામાં T20 ઇન્ટરનેશનલ વર્લ્ડ કપના અંતિમ તબક્કાનો ભાગ હતો, જે ભારતીય ટીમ માટે તેની છેલ્લી ટૂર્નામેન્ટ હતી. ત્યારથી તે ક્રિકેટ એક્સપર્ટ બની ગયો છે અને કોમેન્ટ્રી પણ કરવા લાગ્યો હતો.  

આ પણ વાંચોઃ વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી

IPLની આ સિઝનમાં પુનરાગમન કરીને, તે પોતાની બેટિંગને એક નવા સ્તરે લઈ ગયો છે અને 205થી વધુના સ્ટ્રાઈક રેટ સાથે શાનદાર બેટિંગ કરી રહ્યો છે. રોયલ ચેલેન્જર્સ બેંગ્લોર માટે, તે વિરાટ કોહલી (361) અને કેપ્ટન ફાફ ડુ પ્લેસિસ (232) પછી 226 રન સાથે ટીમનો ત્રીજો સૌથી વધુ રન બનાવનાર ખેલાડી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો