પદ'ભાર' / કમિશનરનો ચાર્જ સંભાળતા જ લોચન સહેરાએ આપ્યા સંકેત, 'આવા લોકો સામે થશે કડક કાર્યવાહી '

• મ્યુ. કમિશનર સહેરાએ ચાર્જ સંભાળ્યો 
• કોરોના સંક્રમણ કાબુમાં લેવા પ્રાથમિકતા 
• શહેરી વિકાસના વિકાસના કામને અગ્રીમતા 

અમદાવાદ મહાનગર પાલિકાના મ્યુનીસીપલ કમિશનર લોચન સહેરાએ આજથી વિધિવત ચાર્જ સંભાળી લીધો હતો. AMC કમિશનર લોચન સહેરાએ પોતાનો પદભાર સંભાળતા જ પોતાના કાર્યોની અગ્રીમતા અંગે વાત કરી હતી . કોરોનાના વધતા કેસ અટકાવવા પર મહાપાલિકાનું ફોકસ રહેશે  તેમ જણાવી કોવિડ મેનેજમેન્ટ પ્રાયોરિટી અને શહેરી વિકાસના કામોને પ્રાથમિકતા આપવાનો વાયદો કર્યો છે. અમદાવાદમાં રખડતા ઢોર, સાબરમતી નદીમાં પ્રદૂષણ મામલે પણ ગંભીરતા પૂર્વક કાર્યવાહી કરવાની વાતને અગ્રીમતા આપી છે. આ ઉપરાંત ગેરકાયદે બાંધકામ મામલે કાર્યવાહી કરવાની વાતને પ્રાથમિકતા પર રાખ્યા છે. 

વધતા કેસ,કોર્પોરેશન માટે 'ચેલેન્જ' 

ગુજરાતમાં  ઓમિક્રોનને વધુ મોટી છલાંગ લગાવી છે. રાજ્યમાં ઓમિક્રોનના કુલ 24 કેસ સામે આવતા કુલ આંકડો 73 કેસ પર પહોંચી ગયો છે. જો જિલ્લા વાઈઝ ઓમિક્રોન કેસો પર નજર કરીએ તો અમદાવાદમાં 13 કેસ, ગાંધીનગરમાં 4 કેસ,  રાજકોટમાં 3 તો  વડોદરા, અમરેલી, આણંદ અને ભરૂચમાં એક-એક ઓમિક્રોનનો કેસ બહાર આવ્યો છે. સારી વાત એ છે કે ઓમિક્રોન વેરિયન્ટને માત આપીને 17 દર્દીએ આજે ડિસ્ચાર્જ લીધું છે. પણ ખતરા રૂપ માહિતી એ છે કે અમદાવાદ અને રાજકોટ મળીને ઓમિક્રોન ગ્રસ્ત કુલ 6  દર્દીઓની ટ્રાવેલ હિસ્ટ્રી નથી જે તંત્ર માટે ચિંતાનો વિષય બની ગયું છે. 

શું છે ઓમિક્રોનના લક્ષણો?

દેશમાં કોરોનાના નવા વેરિઅન્ટ ઓમિક્રોનનો ખતરો સતત વધી રહ્યો છે. ગુજરાતમાં પણ ઓમિક્રોનની એન્ટ્રી થઇ ચૂકી છે...ત્યારે ઓમિક્રોન વેરિઅન્ટ મુદ્દે  નિષ્ણાત ડોકટરોનું માનવું છે કે ઓમિક્રોનના દર્દીઓમાં સામાન્ય લક્ષણો જોવા મળ્યા છે. જેથી ઓક્સિજન-વેન્ટિલેટરની જરૂર પડતી નથી. નવો ઓમિક્રોન વેરિઅન્ટ કોરોના જેવો છે. ઓમિક્રોનથી ડરવાની નહીં સાવચેત રહેવાની જરૂર છે. ઓમિક્રોનમાં મોટેભાગે દર્દીઓને સામાન્ય લક્ષણો જોવા મળે છે. સારવાર ચાલી રહી હોય તેવા દર્દીમાં પણ સામાન્ય લક્ષણો છે. દર્દીમાં ખાસ કોઇ તકલીફ જોવા મળી નથી.દર્દીને શરીરનો દુ:ખાવો, તાવ, માથુ દુ:ખવું જેવી તકલીફ જોવા મળે છે. લોકોને ફરીથી કોરોના નિયમનું પાલન કડક કરવા તેમજ માસ્ક પહેરવાનો આગ્રહ રાખવા ડોકટરો અને સરકાર દ્વારા અપીલ કરવામાં આવી છે.