ગીરસોમનાથ / 17 વખત આતંકીઓને ધ્રૂજાવી દેનારા કોડીનારના આર્મીમેન વિજયસિંહ ઝંણકાટ થયા નિવૃત્ત, 8 km લાંબી રેલીથી કર્યું વેલકમ

• ગીરસોમનાથના આર્મીમેનનું વતનમાં આગમન
• આર્મીમેન વિનજયભાઇ ઝંણકાટનું કરાયું સ્વાગત 
• 8 KM લાંબી રેલી યોજી કરાયું સ્વાગત

ગીર સોમનાથ જિલ્લાના કોડીનાર તાલુકાના પણાદર ગામના આર્મીમેન વિજયભાઈ ઝંણકાટ 19 વર્ષ બાદ માદરે વતન પરત ફર્યા હતા. 19 વર્ષ સુધી માં ભારતી ભોમની રક્ષા કાજે પોતાના પ્રાણની પણ પરવાહ કર્યા વગર યશસ્વી સેવા બજાવનાર જવાન વતન પરત ભરતા તેમનું ઉમળકાભેર સ્વાગત કરવામાં આવ્યું હતું. આ તકે બાઇક રેલી યોજાઇ હતી.

સર્જીકલ સ્ટ્રાઇકએ ઇન્ડીયન આર્મી માટે ગર્વનો દિવસ 
વતનમાં વિજયભાઈનું પણાદર ગામે ભવ્ય સ્વાગત કરવામાં આવ્યું હતું.તેમના આગમનને વધાવતા 8KM લાંબી રેલીનું આયોજન કરવામાં આવ્યું હતું. જેમા મોટી સંખ્યામાં લોકો જોડાયા હતા એન જય હિન્દ તથા વંદે માતરમના નાદ  ગગનમાં ગૂંજ્યા હતા. આ અવસરે આર્મીમેન વિજયભાઈએ આંતકીઓ સાથે થયેલી અથડામણના દિવસો યાદ કરતા કહ્યું હતું કે  સર્જીકલ સ્ટ્રાઇકએ ઇન્ડીયન આર્મી માટે ગર્વનો દિવસ હતી. ઉપરાંત 19 વર્ષની દેશ  સેવા દરમિયાન 17 વખત આતંકીઑ સાથે મૂઠભેદમાં ફાયરિંગ કરી આતંકીઓને હંફાવ્યા હોવાનું તેમણે ઉમેર્યું હતું. વધુમાં તેઓએ જણાવ્યું હતું કે સર્જીકલ સ્ટ્રાઈકમાં આંતકી સાથે અથડામણમાં અમે 3 આંતકીને ઠાર કર્યા હતા. આ વેળાએ તેની બોડી રિકવર કરતા ગ્રેનેડ ફાટ્યો હતો જેમાં હું ગંભીર રીતે જખમી થયો હોવાનું પણ વિજયભાઈએ જણાવ્યું હતું.

અગ્નિવીર યોજના દેશ અને યુવાનો બંને માટે  ફાયદાકારક 
વધુમાં  વિજયભાઈએ  અગ્નિવીર યોજના અંગે જણાવ્યું હતું કે આ યોજનાએ સરકાર દ્વારા આર્મી, નેવી અને એરફોર્સના વડાઑ સાથે ગઠન કરીને  બનાવવામાં આવી છે. જે યુવાનો માંટે અત્યંત ઉપયોગી તથા દેશ અને યુવાનો બંને માટે  ફાયદાકારક હોવાનું વિજયભાઈએ  જણાવ્યું હતુ.