સકંજો / આ જાણીતા બૉલીવુડ ઍક્ટરની દિવાળી બગડી, ડ્રગ્સ કેસમાં પૂછપરછ માટે NCBએ મોકલ્યું તેડું

• અર્જુન રામપાલની મુશ્કેલી વધી 
• NCBએ આપ્યુ એક્ટરને સમન 
• એક્ટરની ગર્લફ્રેન્ડની થઇ પૂછપરછ 

ગુરુવારે ગેબ્રિઅલ NCB ઑફિસ જવા માટે ઘરેથી એક્ટર સાથે નીકળી હતી પરંતુ ઓફિસ એકલી જ પહોંચી હતી, ઑફિસરે જણાવ્યું હતું કે ગેબ્રિએલને બીજી વાર બોલાવવામાં આવી છે, કારણકે તપાસ હજુ પણ બાકી છે. 

સૂત્રોના જણાવ્યા અનુસાર ઇલેક્ટ્રોનિક એવિડન્સની મદદતી તે ગેબ્રિઅલ સુધી પહોંચ્યા હતા, અને હવે તેને લઇને પણ સવાલ કરવામાં આવશે. 

દરોડામાં મળી આ વસ્તુ
સૂત્રોના જણાવ્યા અનુસાર અર્જુનના ઘરે રેડ દરમિયાન કેટલીક બૅન દવાઓ મળી હતી અને અધિકારીઓએ કહ્યું કે, અર્જુન અને ગેબ્રિઅલે આ વિશે જવાબ આપવો જ પડશે કે આ પ્રકારની દવાઓ તેમના ઘરે ક્યાંથી આવી. તેમની પાસે પ્રિસ્ક્રિપ્શન છે કે વગર તેઓ દવા લઇ રહ્યા હતા. દરોડામાં આ તેમના મોબાઇલ ફોન અને લેપટોપ પણ સિઝ કરવામાં આવ્યુ હતુ. 

એનસીબીએ સોમવારે રામપાલના ડ્રાઇવરને કસ્ટડીમાં લીધો હતો અને તેની સાથે પૂછપરછ કરવામાં આવી હતી. સોમવારે જ અર્જુનના ઘરે રેડ પાડવામાં આવી હતી. 

NCBએ ઓક્ટોબર મહિનામાં ગેબ્રિઅલના ભાઇની લોનાવલામાંથી ધરપકડ કરી હતી. તેની તપાસ કરતા તેની પાસેથી ચરસ અને કેટલીક ટેબલેટ મળી આવી હતી. તેના દ્વારા જ અર્જુનની કડી મળી હતી અને અર્જુનના ઘરે રેડ પાડવામાં આવી હતી.