સુવિધા / WhatsAppમાં નવું આવ્યું.! હવે Instagram જેવી Channels ફીચર્સ પણ હશે, જાણો કેવી રીતે કામ કરશે આ સુવિધા

• વોટ્સએપ દ્વારા વધુ એક નવી સુવિધા શરૂ કરાશે
• Instagram ચેનલોની જેમ કામ કરશે આ ફીચર્સ
• આગામી મહિનાઓના કોઈપણ વ્યક્તિ બનાવી શકશે ચેનલ 

ભારત સહિત વિશ્વના કરોડો લોકો પોતાના મોબાઇલમાં વોટ્સએપ વાપરે છે. બીજી બાજુ કંપની દ્વારા પણ યુઝર્સની જુદી જુદી જરૂરિયાતને ધ્યાને લઈને અપડેટ કરવામાં આવે છે. જેના ભાગરૂપે કંપની દ્વારા નવું ફીચર રજૂ કરાયું છે. જે Instagram ચેનલોની જેમ કામ કરી શકે છે. નવું ફીચર ભારતીય યુઝર્સ માટે શરૂ પણ કરી દીધું છે.

WhatsApp ચેનલોનો પ્રારંભ કરવા જઈ રહી છે કંપની

આ ફિચરની મદદથી તને તમારા મેસેજને બ્રોડકસ્ટ કરી શકો છો. સાદી ભાષામાં કહીએ તો તે એક બ્રોડકાસ્ટ ટૂલ છે, જે મોટી સંસ્થાઓ, ક્રિએટર્સ અને ખ્યાતનામ લોકોને સીધું જ WhatsApp થકી લોકોર્સ સુધી પહોંચી અપડેટ આપવામાં મદદ કરશે. માર્ક ઝકરબર્ગે આ અંગે પોસ્ટ શેર કરી કહ્યું કે અમે ગ્લોબલ બજારમાં WhatsApp ચેનલોનો પ્રારંભ કરવા જઈ રહ્યા છીએ. આગામી સમયના હજારો નવી ચેનલો ઉમેરશું. કંપની પોતાની ચેનલ પણ લોન્ચ કરી રહી છે, જ્યાં વોટ્સએપ દ્વારા બનતી પ્રોડક્ટ્સ પર અપડેટ આપાશે.

ચેનલ નવા ટેબમાં આવશે

મહત્વનું છે કે કંપની દ્વારા આ ચેનલને અપડેટ્સ નામના નવા ટેબમાં રજૂ કરવામાં આવશે. જ્યાં યુઝર્સ સરળતાથી સર્ચ કરી સ્ટેટસ અને ચેનલ્સને સર્ચ જોઈ શકશે. આ ટેબ પરિવાર, મિત્રો અને ગ્રૂપ સાસાથે ચેટ કરવાની સુવિધાથી એકદમ અલગ છે.વધુમાં ઝકરબર્ગે તેની WhatsApp ચેનલ પણ શરૂ કરી હતી. તથા કંપનીએ ભારતીય ક્રિકેટ ટીમ, કેટરિના કૈફ, દિલજીત દોસાંઝ, અક્ષય કુમાર, વિજય દેવેરાકોંડા, નેહા કક્કર સહિતનાઓએ સમર્થન આપી તેમની નવી વોટ્સએપ ચેનલ શરૂ કરવાનો કોલ આપ્યો હતો.

સુરક્ષાને પગલે આ નિર્ણય

આ ફીચરમાં ચેનલ એડમીનનો ફોન નંબર અને પ્રોફાઇલ ફોટો ફોલોઅર્સને દેખાડવામાં આવશે નહિ. બીજી બાજુ યુઝર્સને પણ ચેનલ ફોલો માટે અન્ય કોઈ સાથે તમારો નંબર શેર કરવાની આવશ્યકતા રહેતી નથી. WhatsApp આગામી સપ્તાહમાં વૈશ્વિક સ્તરે ચેનલ્સ સહિતના સમયાંતરે 4 ફીચર લોન્ચ કરશે.જેથી આવનારા મહિનાઓમાં કોઈપણ વ્યક્તિ ચેનલ બનાવી શકશે.