કાર્યવાહી / આણંદ કલેકટર ડી.એસ.ગઢવીને ચઢ્યો આવેશ, મહિલા સાથે કઢંગી હાલતનો કથિત વીડિયો વાયરલ થતાં CMOથી સસ્પેન્ડના છૂટયા આદેશ

• આણંદના કલેકટર ડી એસ ગઢવી સસ્પેન્ડ
• તાત્કાલિક અસર થી સસ્પેન્ડ કરાતા અનેક તર્ક વિતર્ક
• DDO મિલિંદ બાપના સાંભળશે કલેકટરનો ચાર્જ

આણંદના કલેક્ટર ડી.એસ.ગઢવીની કઢંગી હાલત મામલે કાર્યવાહી કરાઈ છે, ડી.એસ.ગઢવીને સસ્પેન્ડ કરવામાં આવ્યા છે. પાપ્ત વિગતો મુજબ કથિત વીડિયો ક્લિપ વાયરલ થતા સસ્પેન્ડ કરાયા છે. કલેક્ટર એક મહિલા સાથે બિભત્સ હરકત કરતાના CCTV પણ વાયરલ થયા હતા. સામાન્ય વહીવટ વિભાગે સસ્પેન્ડનો આદેશ કર્યા છે. જણાવી દઈએ કે, DDO મિલિન્દ બાપનાને કલેક્ટરનો વધારોનો ચાર્જ સોંપવામાં આવ્યો છે. 

તપાસ કમિટીની રચના 
કથિત વીડિયો ક્લિપ વાયરલ થતા ડી એસ ગઢવીને સસ્પેન્ડ કરાયા છે. ખાસવાત એ છે કે, મુખ્યમંત્રી કક્ષાએથી ઓર્ડર થયા બાદ તપાસ કમિટીની રચના કરાઈ છે. આ કમિટીમાં મહિલા કર્મચારીનો પણ સમાવેશ કરાયો છે. જેમાં અધિક મુખ્ય સચિવ સુનૈના તોમર અને અગ્ર સચિવ મમતા વર્મા તેમજ ગ્રામ વિકાસ કમિશનર મનીષા ચંદ્રા, સંયુક્ત સચિવ ભક્તિ શામળ તથા દેવીબેન પંડ્યાનો સમાવેશ કરાયો છે.

સુરત ડીડીઓ રહી ચુક્યા છે
2008ની બેચના આઈએએસ અધિકારી ડી એસ ગઢવી છે. જે સુરત ડીડીઓ સહિત અનેક જગ્યાએ ફરજ બજાવી ચૂક્યા છે. વર્તમાનમાં તેઓ આણંદ કલેકટર હતા. કલેકટર કક્ષાના અધિકારીને સસ્પેન્ડ કરતા વહીવટી તંત્રમાં સન્નાટો વ્યાપ્યો છે