ભાદરવી પૂનમ / અંબાજીના ચાચર ચોકમાં અદ્દભૂત રોશનીનો શણગાર, માઈ ભક્તો ભાવવિભોર, જુઓ VIDEO

• ભાદરવી પૂનમને લઇને તૈયારીઓ
• અદ્દભૂત રોશનીનો શણગાર
• રોશનીનો શણગાર માણી રહ્યાં છે લોકો

ભાદરવી પૂનમને લઇને પ્રસિદ્ધ યાત્રાધામ અને શક્તિપીઠ અંબાજી ખાતે તૈયારીઓને આખરી ઓપ અપાઇ રહ્યો છે.અંબાજી મંદિર સહિત સમગ્ર અંબાજી ગામને અદભુત રોશનીથી શણગારી દેવામાં આવ્યું છે. અંબાજી મંદિરને જોઈને ભક્તો અનોખી અનુભૂતિ કરી રહ્યા છે.ચાચર ચોકમાં બેસીને આ રોશનીનો આનંદ માણી રહ્યાં છે.

તૈયારીઓ પૂર્ણ ભક્તો 5 દિવસ ભક્તોનું ઘોડાપૂર દર્શને ઉમટશે
યાત્રાધામ અંબાજી ખાતે દર વર્ષે યોજાતો ભાદરવી પૂનમનો મહામેળો કોરોનાના લીધે છેલ્લા બે વર્ષથી બંધ હતો. પરંતુ હાલ બે વર્ષ બાદ આ વર્ષે તા. 5 થી 10 સપ્ટેમ્બર-022 દરમિયાન ભાદરવી પૂનમનો મહામેળો યોજાશે. ત્યારે આ મેળામાં લાખોની સંખ્યામાં પદયાત્રિકો માતાજીના દર્શનાર્થે આવવાની ધારણા છે. આથી તંત્ર દ્વારા તમામ તૈયારીઓને આખરી ઓપ આપવામાં આવ્યો છે. અંબાજી આવતા પદયાત્રિકોને જરૂરી તમામ સુવિધાઓ સરળતાથી મળે અને સરસ દર્શન થાય તે માટે રેલીંગની વ્યવસ્થા કરવામાં આવી છે.

સવારે 5 વાગ્યાથી માઇભક્તો માતાજીના દર્શન કરી શકશે
તેમજ દર્શનનો સમય પણ વધારવામાં આવ્યો છે. મેળા દરમિયાન વહેલી સવારે 5 વાગ્યાથી માઇભક્તો માતાજીના દર્શન કરી શકશે. અંબાજી મંદિર પરિસર અને ગબ્બર ખાતે દર્શનાર્થીઓ માટે જરૂરી સુવિધાઓ સહિત વિવિધ વ્યવસ્થાઓનું આયોજન કરવામાં આવ્યું છે. આ ઉપરાંત અંબાજીમાં યાત્રાળુઓની સુરક્ષા સુનિશ્વિત કરવા પોલીસ ડ્રોન કેમેરા, બોડી વોર્ન કેમેરા અને CCTV કેમેરાથી વોચ રાખશે. કોઇપણ અનિચ્છનીય ઘટના ન બને તે માટે અંબાજીના રૂટ પર ડોગ સ્ક્વોર્ડ દ્વારા સઘન પેટ્રોલિંગ કરવામાં આવશે. 

40 લાખ પ્રસાદીના પેકેટ બનાવાયા
શક્તિપીઠ અંબાજીમાં માં અંબાના ભાદરવી પૂનમના મહા મેળાની તૈયારીઓ થઈ રહી છે. 5 થી 10 સપ્ટેમ્બરે યોજનાર મહા મેળામાં લાખો શ્રદ્ધાળુઓ અંબાજી આવશે અને તેમના માટે પ્રસાદની વ્યવસ્થા ના ભાગરૂપે તૈયારીઓ શરૂ કરાય છે અંદાજિત 40 લાખ પ્રસાદના પેકેટ બનશે અને શ્રદ્ધાળુઓને કોઈપણ પ્રકારની તકલીફ ન પડે અને પ્રસાદ સરળતાથી મળી રહે તે પ્રકારે રાત દિવસ 500 જેટલા લોકો આ પ્રસાદ બનાવવાના કામે લાગ્યા છે.