શ્રદ્ધાળુઓ માટે માઠી ખબર / મોટી ખબર : કોરોનાને કારણે સતત બીજી વાર અમરનાથ યાત્રા કેન્સલ, શ્રદ્ધાળુઓ ઘેરબેઠા આ કામ કરી શકશે

Hiralal

Last Updated: 05:59 PM, 21 June 2021

FOLLOW ON

શેર કરો

અમરનાથ યાત્રા શ્રાઈન બોર્ડે કોરોનાની ત્રીજી લહેરને ધ્યાનમાં રાખીને 28 જુનથી શરુ થનારી પ્રસ્તાવિત અમરનાથ યાત્રાને રદ કરવાની જાહેરાત કરી દીધી છે.

બાબા અમરનાથ શ્રાઈન બોર્ડેનો મોટો નિર્ણય
2021 ની અમરનાથ યાત્રાને રદ કરી
28 જુનથી શરુ થવાની હતી
કોરોનાને કારણે સતત બીજી વાર યાત્રા રદ કરાઈ

બાબા બર્ફાનીના દર્શનની આતુરતાથી પ્રતિક્ષા કરી રહેલા શ્રદ્ધાળુઓ માટે ખરાબ સમાચાર છે. કોરોનાની ત્રીજી લહેરને ધ્યાનમાં રાખીને પ્રશાસન બોર્ડ દ્વારા આ વખતની યાત્રા રદ કરવાનો નિર્ણય લેવાયો છે. 28 જુનથી અમરનાથની યાત્રા શરુ થવાની હતી. અમરનાથ શ્રાઈન બોર્ડના એક અધિકારીએ જણાવ્યું કે પરિસ્થિતિ પર ચાંપતી નજર રાખવામાં આવી રહી છે. કોરોનાની ત્રીજી લહેરને ધ્યાનમાં રાખીને આ નિર્ણય લેવાયો છે. યાત્રાની નવી તારીખ અંગે હાલમાં કોઈ નિર્ણય કરવામાં આવ્યો નથી.

શ્રદ્ધાળુઓ ઓનલાઈન દર્શન કરી શકશે
અમરનાથ શ્રાઈન બોર્ડે શ્રદ્ધાળુઓ માટે ઓનલાઈન દર્શનની વ્યવસ્થા કરી છે. શ્રદ્ધાળુઓ ઘેર બેઠા હિમલિંગના દર્શન કરી શકશે. જમ્મુ કાશ્મીરના ઉપરાજ્યપાલ મનોજ સિંહાએ જણાવ્યું કે જનતા હિતમાં આ વખતની અમરનાથ યાત્રા રદ કરવાનો નિર્ણય લેવાયો છે. શ્રી અમરનાથ છડી મુબારક 22 ઓગસ્ટે ગુફામાં લઈ જવામાં આવશે.

ગૃહમંત્રી અમિત શાહે શુક્રવારે એક બેઠક કરી હતી તેમાં અમરનાથ યાત્રાને રદ કરવાનો નિર્ણય લેવામાં આવ્યો હોવાનું સૂત્રોએ જણાવ્યું હતું. ઉપરાજ્યપાલ મનોજ સિંહાએ પણ જણાવ્યું કે લોકોના હિતમાં આ નિર્ણય લેવાયો છે.

સંકળાયેલા મુદ્દાઓ

Amarnath Yatra Cancelled amarnath yatra 2021 અમરનાથ યાત્રા અમરનાથ યાત્રા 2021 અમરનાથ યાત્રા રદ Amarnath Yatra 2021 cancel