BIG NEWS / મુસ્લિમ પર્સનલ લો બોર્ડના અધ્યક્ષ મૌલાના રાબે હસનીનું અવસાન, વિવાદિત નિવેદનથી આવ્યાં હતા ચર્ચામાં

• મુસ્લિમ પર્સનલ લૉ બોર્ડનાં અધ્યક્ષનું નિધન
• ઘણાં સમયથી અસ્વસ્થ હતાં મૌલાના રાબે હસની નદવી
• 93 વર્ષની ઉંમરે લખનઉમાં લીધાં છેલ્લાં શ્વાસ

Maulana Rabey Hasani Nadwi, 93, the greatest surviving Muslim personality in India, died today. He was author of many books, headed Nadwatul Ulama College; was President of All India Muslim Personal Law Board. May Allah award him maghfirat and highest station in Paradise. Amin. pic.twitter.com/4au8rThbo5

— Zafarul-Islam Khan (@khan_zafarul) April 13, 2023

ઓલ ઈન્ડિયા મુસ્લિમ પર્સનલ લૉ બોર્ડનાં અધ્યક્ષ હઝરત મૌલાના રાબે હસની નદવી સાહેબનું આજે એટલે કે 13 એપ્રિલ,ગુરુવારનાં રોજ નિધન થયું છે. મૌલાના રાબે હસની નદવીની તબીયત ઘણાં સમયથી ખરાબ હતી. મુસ્લિમ પર્સનલ લૉ બોર્ડનાં અધ્યક્ષને ઈલાજ માટે રાયબરેલીથી લખનઉ લઈ જવાયા હતાં. તેમણે લખનઉનાં ડાલીજંગ સ્થિત નદવા મદરસેમાં 93 વર્ષની ઉંમરે છેલ્લાં શ્વાસ લીધાં.

કોણ છે મૌલાના રાબે હસની નદવી ?
મૌલાના રાબે હસની નદવી એક ભારતીય ઈસ્લામિક વિદ્વાન હતાં જે ઓલ ઈન્ડિયા પર્સનલ લૉ બોર્ડનાં અધ્યક્ષ અને લખનઉ સ્થિત-ધાર્મિક શિક્ષાનાં એક મહત્વપૂર્ણ કેન્દ્ર-નદવતુલ ઉલેમાનાં પણ અધ્યક્ષ હતાં. તે મુસ્લિમ વર્લ્ડ લીગનાં સંસ્થાપક સદસ્ય આલમી રબિતા અદબ-એ-ઈસ્લામી, રિયાદનાં ઉપાધ્યક્ષ પણ હતાં. તેમને દુનિયાનાં 500 સૌથી પ્રભાવશાળી મુસલમાનોની યાદીમાં પણ સૂચીબદ્ધ કરવામાં આવ્યું છે.

પરિવાર પાસેથી જ લીધું પ્રાથમિક શિક્ષણ
મૌલાના રાબે હસની નદવીનો જન્મ 1 ઓક્ટોબર 1929નાં યૂપીનાં રાયબરેલીમાં થયો હતો. નદવીએ રાયબરેલીમાં પોતાના પરિવાર તરફથી પ્રાથમિક શિક્ષણ મેળવ્યું અને ઉચ્ચ અધ્યયન માટે દારુલ ઉલૂમ નદવતુલ ઉલમામાં શામેલ થયાં હતાં. 1949માં પોતાનું ભણતર પૂર્ણ કર્યાં બાદ દારુલ ઉલૂમ નદવતુલ ઉલેમામાં સહાયક શિક્ષકનાં રૂપે તેમની નિમણૂક કરવામાં આવી હતી.