મનોરંજન / અજય દેવગનની સિંઘમ અગેઇન અને અલ્લૂ અર્જુનની પુષ્પા 2 વચ્ચે થશે ટક્કર? મેકર્સે કર્યો ખુલાસો

અજય દેવગનની સિંઘમ અગેઈન અને અલ્લુ અર્જુનની પુષ્પા 2: ધ રૂલ આ બંને ફિલ્મોની ચાહકો આતુરતાથી રાહ જોઈ રહ્યા છે. છેલ્લા ઘણા મહિનાઓથી આ બંને ફિલ્મો એક જ દિવસે રિલીઝ થવાની ચર્ચા હતી. બંને સ્ટાર્સના ફેન્સ આ ફિલ્મોના ક્લેશને લઈને અલગ-અલગ દાવા કરી રહ્યા હતા.

દરમિયાન 1 એપ્રિલના રોજ આવેલા એક સમાચારે મનોરંજન જગતમાં સનસનાટી મચાવી દીધી હતી. ગઈકાલે મીડિયા અહેવાલમાં દાવો કરવામાં આવ્યો હતો કે પુષ્પા 2 ની રિલીઝ તારીખ મોકૂફ રાખવામાં આવી છે અને તે સિંઘમ અગેઇન સાથે ટકરાશે નહીં. આ સમાચાર ગઈકાલે ચર્ચાનો વિષય રહ્યા હતા. 

અહેવાલમાં હેવામાં આવ્યું છે કે પુષ્પા 2: ધ રૂલના નિર્માતાઓ ફિલ્મને મુલતવી રાખવાનું વિચારી રહ્યા છે. તેઓ ફિલ્મને વધુ આગળ વધારવાની યોજના બનાવી રહ્યા છે, કારણ કે તેઓ તેને સમયસર પૂર્ણ કરી શકશે નહીં. સૂત્રના જણાવ્યા અનુસાર, નિર્માતાઓ શરૂઆતમાં ઓગસ્ટ પહેલા તેને સમાપ્ત કરવાની આશા રાખતા હતા, પરંતુ વસ્તુઓ યોજના મુજબ ચાલી રહી નથી.

અહેવાલમાં એમ પણ કહેવામાં આવ્યું છે કે ફિલ્મના ઘણા મહત્વપૂર્ણ દ્રશ્યો શૂટ કરવાના બાકી છે, કારણ કે અલ્લુની ખરાબ તબિયતને કારણે તેનું શૂટિંગ સ્થગિત કરવામાં આવ્યું હતું. ઉપરાંત, રશ્મિકાની બીજી ફિલ્મોના શૂટિંગને કારણે તેનું શૂટિંગ મોડું થયું છે. જો કે હવે વસ્તુઓ યોગ્ય દિશામાં ઝડપથી આગળ વધી રહી છે, પરંતુ ઓગસ્ટમાં ફિલ્મ રિલીઝ થવાની આશા ઓછી જણાઈ રહી છે.

પરંતુ લોકો આ સમાચાર પર શંકા કરી રહ્યા છે કારણ કે 1લી એપ્રિલ એપ્રિલ ફૂલ ડે છે. ઉપરાંત, બંને પ્રોડક્શન હાઉસ તરફથી આ સમાચાર અંગે કોઈ પુષ્ટિ કરવામાં આવી નથી.

સિંઘમ અગેઇનની વાત કરીએ તો, ફિલ્મમાં અજયની સાથે કરીના કપૂર ખાન, રણવીર સિંહ, અક્ષય કુમાર, દીપિકા પાદુકોણ, અર્જુન કપૂર અને ટાઇગર શ્રોફ છે. તે રોહિત શેટ્ટી દ્વારા નિર્દેશિત છે. તે સ્વતંત્રતા દિવસે રિલીઝ થવાની છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો